الشاعر / رضا عثمـــان

نفسي اصبح سي السيد ليكي
ومحدش يتحكم فيكي

علشان ماسمحشي لأولادك
يتقاسمو ويتخانقو عليكي

نفسي امسك بلجامك حبه
واقفل على بابك بالضبه

وامنع سوس الغرب يقرب
من أرضك أو زرع إيديكي
....
مالهم بيلومو اللى حاميكي
وحاميكي بيرضي ف معاليكي

وعيالك عماله تخبط
والأرض بتتحرك بيكي

والصف الواحد بقا ميه
والصوره اتهزت ف عنيه

والله تعبت ومش عارف
مين فيهم راح يخلص ليكي
....
يا خساره يا مصر اتشليتى
وشباك الصياد حواليكي

عماله تقطع ف جنابك
وماحدش واقف جمبيكي

والإعلام عمال يتشدد
والأحزاب عماله تعدد

والفايرس شغال بيمدد
والأسم ان الكل شاريكي
.
رضا عثمان

الشاعر الجميل رضا عثمان شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» مربع إهداء من الشاعر محمد فتحى الى الشاعر عطية شواش
» قوم .. ثور ( الشاعر مدحت عطية )
» الشاعر أحمد نصر النحاس
» الشاعر أبو بكر عامر
» الشاعر / عصام قمر