رسالة الي المخلوع (شعر)

من ديواني (انتفاضةشعب)رقم الايداع 2250/2011
-------------------------------
رسالة موجه الي حسني مبارك .......عشان انت ريس بتفهم كويس
-----------------------------------------------------------------------


سمعتك بتخطب ف وسط القهاوي
بتحكي تاريخنا لكل العرب
نسيت وانت قاعد ف قصر العروبة
تقول عاللي واخد فلوسنا وهرب
تقول لحبيبك كفايا أسيه
تقول لسرورك كفايا خطب
---------------
عشان انت ناسي.. كلامك مأسي
وأغلب كلامك لشعبك غضب
فلا حد جالس يحل المشاكل
ولا حتي شايف قليل الادب
سامحنا ياريس .. ياتاج العرب
طريق الدويقة وقطر الصعيد
وصخر المقطم وخالدسعيد
وسمعة بلدنا وسعر الحديد
أمانةوضاعت..وكنتانت قاعد
علينـــــــــــــا تدوس
سامحنا ياريس .. ياراعي النفوس
---------------------------
حبيبنا ياريس يا باني السلام
في عهد السيادة ربطنا الحزام
وبنداري جوعنا نسينا الكلام
تركنا الوظايف وسبنا العلام
وأصبح شعارنا منين أوبكام؟
---------------------------
عشان أنت ريس بتفهم كويس
وسايب حكومتك لأحمد نظيف
وسايب جمالك يوفر في مالك
وشايف شعوبك بتشحت رغيف
--------------------------
يا ريتك يا ريس تبلغ أمانة
تقول لابن عز يدوق المهانة
ويسأل أساور ايدية الحديد
منين أنتي جيتي ومن اي عيله
ساعتها تجاوب علية بانبساط
أكيد من مصانع عز الدخيلة
********************************


شعر / علاء أبوذكري