30 عام سعاد حسن رستم

30 عام

30 عام ف السلم معاك
ولا ننطق غير كلمة ماشى
كلمة لأ مش ماشية معاك
ومكبر ودهه احساسى
شوفنا الذل وشوفنا الويل
ياما سهرنا نقول مواويل
والمركب عايم مش راسى
يحصل تنكر
توعد تخلف
وتقول دول أهلى ودول ناسى؟
30 عام مبنتكلمش
30 عام والجرح واجعنا
نصرخ نبكى ومبتسلأش
وأملنا يا ريس تسمعنا
30 عام مش يبقى حرام
30 عام ضعف استسلام
ويا ريت بتحقق مطالبنا
كلمة لأ راح توصل ولأخر الكون
ولا فيه صمت
ولا فيه ضعف ولا وعد نصدقه من اليوم
فات الوقت
مش عايزين تيجى وتسمعنا
هنقول لأ ولا جيش ولا أمن هيمنعنا
مكفاية 30 سنة فى الضعف
30 سنة فى بطالة وخوف
من اليوم مش هتقدر تمنعنا
فتحنا وبقينا بنشوف
امشى كفاية
كل بداية وليها نهاية
دا وجودك مبقاش لم معنى
وكفاية ذل بادينا ملموس

بقلمى\ سعاد حسن رستم