قصيده لأبنتي وسام

من بين الزهور فله**بأنسام الربيع هله
براءتها في بسمتها**حوريه م السما طله
وهبها ربنا ليه ** هديه حسنها أتجلي
خدودها بحمره مكسيه ** وفطرتها من المولي
ونهرين من عسل عينها** وف رموشها غيطان ضله
بضحكه تفرح الدنيا **وتتلون وتتحلي
وتطرح للمحبه غصون ** بست الحسن تتملي
وهمي يروح ياطير الدوح** وعني الحزن يتخلي
وأدعي ربنا يخليكي**يا أنغام الحياه واحلي
يانور رباني مين تاني** يحبك قدي يا فله
رقيتك م العيون السود** وحارسينك جنود الله!!!