... نسمة هوى ...

... نسمة هوى ...

نسمة هوى و ح تعدِّى منها ... خَـفت ليه ؟ ...
ساكنة البراءة بين عيونـــها ... وانت إيه ؟ ...
حبِّة حيطان من ذكريات ...
باسها القمــــر ليلة وفات ...
سابها بيكسيها السُّــــكات ...
ح تحسِّ بيك ازاى وليه ؟؟ ...
نسمة هوى و ح تعدِّى منها ... خَفت ليه ؟ ...
*****************
لسُّة الغنا ف أحلامها بيساع المــــدى ...
صافى وبرئ .. وأرقِّ من قطرة ندى ...
وانتُ غصونك للأسف ...
كل الورق فيها نشـــف ...
وبدمع أحلامــــك نزف ...
لا مسحته يوم .. ولا بتداريه ...
ح تحسِّ بيك ازاى وليه ؟؟ ...
نسمة هوى و ح تعدِّى منها ... خَفت ليه ؟ ...
*****************
وبرغم دا .. سهّــــــــــــــاك خيالك .. وبخجل ...
غازل غناها ... يجوز حنين ... يجوز ملل !! ...
وقبل ما عيونــــــــــها تشوفك ...
أو يبتدى يخونك وقوفـــــــــك ...
غطيت ملامحك ليه بخوفك ؟ ...
وناديت عليه .. تتحامى فيه ...
ح تحسِّ بيك ازاى وليه ؟؟ ...
نسمة هوى و ح تعدِّى منها ... خَفت ليه ؟ ...

كلمات : هانى يوسف