قصيدة( اضغط يا جندي علي الزناد)

قصيدة
(اضغط يا جندي علي الزناد)
في احداث الميدان_نوفمبر2011

لمحمد رمضان شفيق
******************


وحشــــكو صوت السلاح اللي ف ايديكو

لســـــاكو عايزين دمنا يطرطش عليــكو

عايزين دموعنا تعـــــود وتنزل ع الخدود

دا حنا يــــدوب صدقنـــا ان الرحمه فيكو

دموعنا مش هتنزل ع الخدود.....

دا كــــــــــان زمـــاااان

دموعنا نشفت م البكي علي الشهــــــيد

نفس الشهيد.
هو الشهيد اللي اتقتل هنا ف الميــــدان

مات لما قــــــــــال لصاحبه يكون عنيد

اوعاك ياصحـــــبي تعيش جبــــــــــــان

حط الكفن علي كتفك بس يكون جـــديد

اياك تعيش خايف او تعيش مهــــــــــان

يتعيش ورافع راسنا فوق يتموت شهــيد

يتعيش كريم ياءما ترجــع للميـــــــــدان
**


اضغط يا جندي علي الزناد موّت اخوك

اضرب ف مقتل لجـــــــل ما تفرح ابوك

اضــرب بســــــــــــرعه وموّته نفذ اوامر

اضغط بسرعه لانــــه عامل سوء سلـوك


نازل يجيب حقك من غير ما يستــــأذن

نام ف الشوارع لجل الفجر ما يــــــأذن

صوت الرصاص الحي عمره مايحـــزن

اضغط يا جندي علي الزناد اقتــــــــــلــه

طلّع عداء ف القلب شـــكله متـخـــــزن




فرّح سعـــــاده الباشا لما يموت باءيـــدك

مع ان دمه الحر كان ماشــي ف وريدك

مُوُ تــــــــــــه هيزود ف اجرك كام جنيه

افهم يعم موت اخوك ازاي يفيــــــــدك ..

افرح كمان...


مهو اللي مات م الضرب راح يموت شهيد

افهم بقي....

هتكون حزين ف الدنيا وهو هناك سعـــــــيد
هتكون حزين ف الدنيا وهو هناك سعـــــــيد

*******************
تحياتي
محمد رمضان