وهـــــــم وزور

وهــــــــــــــــــــم وزور
........................
ليه بتلف.. وليه بتدور
نفسك دم الشعب يفور
عايز يبقي ميدانها جهنم
بركة دم وتجري بحور

ليه بتفكر بس.. براسك
علي احلامنا تقيم حراسك
ارحم حالك واسال ناسك
قبل الشعب عليك مايثور

وعد الحر دا شكل الدين
وانت حلفت عليها يمين
ايدنا ف ايدك نعلا لفوق
وتسلمها لـ ناس واعين

عدي ايام وايام وشهور
وانت تملي. علينا تدور
يوم توعدنا ويوم تلهينا
بس وعودك وهم وزور

وف اخرتها.. تبان لبتها
عايش تحلم تبقي قائدها
جبت السلمي يعدل بيتها
نط وعدل ..في الدستور

خلَّي جنابك.. تبقي الامر
واللي يعارضك يبقي مغامر
تقطع ايده وتكسر رجله
او ترميه في نفق مهجور

ليه ياسيدتك تنسي شهامتك
اللي معاها تكبر... هامتك
مش بالكرسي ولا بالمنصب
تقدر فيها تعيش... مستور