شارع بيتنا القديم

شارع بيتنا القديم
انا فاكر وصفته
ع الناصيه فكهاني
وناصب فرشته
ييجي ساعة العصاري
وينادي علي فكهته
وينادي بصوت جميل
يا حلاوة غنوته

وع الناصيه التانيه كشك
وصاحبه عجلاتي
يقوم الفجر يصلي
وده طبع فيه يوماتي
انا فاكر لسه اسمه
بالموشم علي ايده رسمه
كان اسمه عم حمزه
وكنا لسه تلامذه
و ف اخر الشارع
كانت هناك مدرستي
انا فاكر اسمها
مكتوب علي كراستي
كنت اصحي الصبح بدري
فرحان بمريالتي
و علي كتفي شنطه قماش
صنعاها ام احمد جارتي
وعلي نصيه المدرسه
واحد بعربيه
كان اسمه عم حسن
بتاع التمريه
انا برضه لسه فاكره
كان بعمه وجلبيه

وف شارع مدرستنا
كنا نرسم ع الارض صوره
ونلم عيال حارتنا
ونلعب ماتش كوره
وكان في بنت جارتي
انا فاكر شكلها
بضفيره و بلوزه بمبي
واسمي علي اسمها
لما العب ماتش كوره
تشاورلي اشاورلها
كنا لسه صغيرين
وسني من سنها

وياخصاره الفرحه ما تمت
وساعتها الناس اتلمت
علي ز ماره الخطر
وبدأنا فـ التهجير
والناس زعلانه كتير
علي فراق بعضها
ويعدي سنين و سنين
وانا كلي شوق و حنين
لشارع بيتنا القديم
اللي علي ناصيته فكهاني
وكشك عم حمزه
وبتاع التمريه

=========
مع تحياتي
م

حمود السخيلى

» شارع الشهيد