فاكرينلك الدقه

فاكرينلك الدقه
ولو كلتها بدقه
لازمن تمد ايديك
علشان يقولوا لا
منبوذ فى وسط الخلق
سقوك مواجعهم
وعشان تقول الحق
الحق يوجعهم
منسى فى يوم الفرح
معزوم فى مواجعهم
تصبهم العيبه
يزحزحوها لمك
وتسعى تفاديها
تلبسها وتضمك
وكانها نصيبك
ترميها طول كمك
والتهمه ماتسيبك
لوكان معاك جبريل
هيقولوا ساب الخلق
وصاحب ملاك بيطير
ومع انك المفتون
بالدنيا ماهى فتنه
عمرك ما خنت فى يوم
ولا كنت يوم فتنه
وعاملى فيها غريب
يانحس عن بيتنا
لويوم تقول هتغيب
صدقنى توحشنا
نقفل عليك الباب
تلف من المنور
وتجلنا من الشباك
تشرفنا وتنور
قالوا الامل بكره
هيجلنا ياحلولى
لو كان على الستره
مستوره من بدرى
الخوف بقى لابكره
يعدى وينسانا
تبقى السعاده ذكرى
ويفضلنا بكانا
مكتوب عليك السفر
داخل بلد واحده
تلف كيف البقر
مربوطه فى الساقيه
لا فارقت يوم ارضك
ولا تهت فى السكه
تختار طريق البحر
تلقى البحار واحله