هذة المربعات لى انا فقط ومن يريد قراءة المساجلةكاملة فهى على صفحة الشاعر كمال الحمرانى
------------------------------------------------------------
----------
ولما هـــــــــتـاكل لحم حمير
تشرب عصير برسيم بالموز
وسط البشر راح تبقى خطير
ترفص بقا وتضرب بالجوز
----------
ولما تاكل لحم حمير
التبن يحضر علشانك
ولما جحشة تشوفها تسير
نهق بقا وهز ودانك
----------
ولما تاكل لحم حمير
تهز ديلك كالعادة
هتسيب صحابك على وسمير
وتصاحب اللى اسمة قرادة
----------
ولما تــــــــاكل لحم حمير
وشك هيطول ويبقى وسيم
شعرك هيبقا ناعم وحرير
من كتر ما هتاكل برسيم
----------
ولما تــــــــاكل لحم حمير
ارفص برجلك بقا وانخر
ابدا ماراح تتعب م السير
وبدال ماتعطس راح تنفر
----------
ولما تــــــــاكل لحم حمير
هتـــــــلاقى نفسك مفتوحة
طول النهار مشاوير مشاوير
والصبح تفطر بقـــــالوحة
----------
ولما تــــــــاكل لحم حمير
فى الشونة راح تنسا همومك
ع الارض نام وبلاها سرير
واتمردغ مفيش حد يلومك
----------
ولما تاكل لحــم حميــــــــر
لا يهمك الصيف ولا حرو
وجسمك هياخد ع التعاوير
وتجر فى العربة الكارو
----------
ولما تاكل لحــم حميــــــــر
هتــنام على الطين واتبربط
من كتر خوفة عليك لتطير
يفتل لــــك بنفسة المربط
=========
ولما تاكل لحــم حميــــــــر
هيحطوا على ضهرك خيشة
وهتتعشى فول وشعير
ونفسك تهف على دحيشة
----------
ولما تاكل لحــم حميــــــــر
هتزيد النص وتلات الاربع
شعرك هيطول ويبقى حرير
و هيبيعوك ف سوق الاربع
----------
ولما تاكل لحــم حميــــــــر
هيعملولك حوش و عنبر
وتهز ديلك وتبقى اجير
وسنبل راح يجيبلك بامبر
-----------
ولما تاكل لحــم حميــــــــر
ابدا ماتعرف رايح فين
وشك هيبقى بلون الجير
وودانك هتطول شبرين
----------
ولما تاكل لحــم حميــــــــر
طوبس من الجردل واشرب
ولو جابو الجزار يا قشير
اقطع مرابطك بقا واهرب
----------