حوارمع عمنا رمضان

----- حوارمع عمنا رمضان-----
--------------------------------
عمنا رمضان لية حزين
عشان راح منك عشرين
قال ابدا اللى مزعلنى
احوالكم يا بنى آدمين
صوم بتصوموا وصلاة بتصلوا
وعارفين كل امور الدين
بس الناس دايما مخنوقة
حتى اولادهم مش طايقين
انا ضيفكم ايام معدودة
اغتنموها يا مسلمين
ازاى بس ف شهر الرحمة
تتخانقوا وانتم صايمين
افعالكم فى نهار رمضان
برىء منها ليوم الدين
والصوم فرض عليكوا تحسوا
معانات الفقرا المساكين
تفتكروا اخواتكم فى سوريا
او فى ليبيا وفلسطين
قلت لة يابوصيام الناس
بقيت زحمة وبالملايين
مصاريفك بقيت الوفات
وهدوم للعيد مش لاقيين
المانجا بعشرة جنية الكيلو
واللحمة بخمسة وسبعين
لو مش عاوز لحمة الفرخة
الكيلو بسبعة وعشرين
والبامية نزلت تتقمع
والكيلو منها بتلاتين
خد عندك كيلو الليمون
يابوصيام كان بأربعين
والبطيخ كمان اتجنن
اصغر بطيخة بعشرين
دة صيامك دايما بينسى
و نسيت اقولك سعر التين
قال لى كفاية كدة هتجنن
واروح مستشفى المجانين
انا كنت زمان اشوف جدودكم
الاقيهم حامدين شاكرين
لا مكيف ولا حتى مراوح
بحياتهم كانوا راضيين
طول اليوم بيحرث ويسقى
والخير كان مالى الفدادين
والجار كان يسأل على جارة
وكانوا فى النعمة عايشين
وعيالهم يفرحوا بالعيد
من غير بدلة ولا فساتين
لا مقاهى ولا فون ولا نت
وكانوا طول الليل قايمين
تراويح وتسابيح وتلاوة
للفجرية ياناس ساجدين
وانتوا يادوب تصلوا المغرب
تبتدوا ماراثون فى التدخين
اوتسهروا على ماتش الكورة
وبضبع منكم وقت ثمين
عاوزين بس تروحوا الجنة
وعلى فعل الخير مش قادرين
قلت يارب الطف بعبادك
انت القادر---- والمعين
قال ربنا يتقبل منكم
رديت اللهم آمين
رديت اللهم آمين
--------------------------
--------------------------
محمد نعمان الهوي
20 رمضان 1437
ملحوظة الاسعار المذكورة عام2016
===================
م ن lol!

» رمضان فراج ( إخص عليك )
» عمرو رمضان ... انا اتنين
» رباعيه دائما لمحمد رمضان
» (( انتي ام الدنيا مصر )) لمحمد رمضان ..
» مشاركه رباعيات لمحمد رمضان.