قصيدة( لحظة أمل) للشاعر محمد عبد العزيز عطا

لحظة أمل
**************
ليه بتشيل الهم لبكره
وشاغل عقلك بالـتفكير
انـسي الهم وريـّح فِكرك
بـكره فى إيـد صاحب التدبـير
عنـده الحل لكل مشاكلك
مهما يكون الأمر عسير
هو هيصلح بكره لوحده
وهو القادر ع التغيير
صلّى وقول يارب صبّر
انسان عنده هم كبير
صلّي وقول يارب دبّر
تلقي نـهايـه صبرك خـير
...................................
ليه بتشيل الهم وتزعل
والدنيا مادمتش لحد
ارمى همومك كدا ورا ضهرك
ومتعملش بحزنك سد
خلّى البسمه تنوّر وشّك
خلى لسانك حلو الرد
خليك دايما سهل وطيّب
خلّى ف قلبك حبة ود
وان حبّك انسان من قلبه
حن عليه واياك له تصد
دا الدنيا ايام وساعات
على كف اليد بتنعد
ليه نقضيها هموم ودموع
ليه مانقدش شموع للغد
ليه قلبنا يفضل موجوع
يلا نشيل الشوك م الورد
قدامنا طريقنا وعارفينه
وهنمشيه ونجيب السعد
****************
@@محمـــــد عطــــــا@@
25/11/2014