(علمونا فى المدارس )للشاعر محمد عبد العزيزعطا

علمونا فى المدارس
***********
علمونا فى المدارس
الحروف الأبجديّة
والعلوم الإنسانيّة
علمونا الرسم
بالفرشة الطريّه
علمونا نفرح ونصبر
ع المأسى والصدمه القويّة
علمونا يعنى إيه أخلاق
عرفونا مساوىء الكذب
وفساد النفاق
علموتا الفن والأدب
والعلوم والتربيّة
علمونا العلم من غير
دروس ولا مجموعات تقويّه
علمونا فى الدين
الأصول الصلاه والصيام
واللى لصاحبه يخون
يبعد عن الإسلام
ولا عمر يوم خطوته
تاخده لقدّام
المدرسه كان ليها دور كبير
ع النشأ كان له تأثير
وكان المدرس قدوه
ثقافه وأدب وعلم غزير
صاحب رساله وهدف
فى رحلة التنوير
كان عنده ضمير
دلوقتى فى المدارس
تلقى المدرس جالس
لادرس
ولاتحضير
عايز يعمل فلوس
بس من الدروس
والدفع يبقى مقدماًَ
عايز عروسة وعربية
و الاسرة تدفع التمن
ومحدش حاسس بالتانى
ولا حد بيقول أوطانى
والأمر جد عسير
محتاج كتير تفكير
والطالب اصبح أسير
ولادنا دول المستقبل
فى ايديهم التغيير
لو ضاعوا ضاع المستقبل
ونعيش العمر ف طوابير
............................
@@محمدعبد العزيزعطا @@