عبد الحليم الزلوعى . البعيد دا حمار

البعيد دا حمار

انت البعيد ده حمار
ده كلام ما فهش هزار
ازاى تمشى وراه
مرشد لكن بيطار
يعنى المريض يناديه
ينهق عليه يلاقيه
يمكن عا ملك زار
ومركبك عفريت
تحرق فى بيت الجار
ويناولك الكبريت

لكل من باع ضميره
واشتروه بالمال
وطنك بيعرف طريقه
وهياخدك الزبال
مطرح ما يرمى الزباله
هايرسى بيك الحال
مانتم عصابة الخراب
وقالها فيكم جمال
احرق وروع وضيع
ما هاتسوى ربع ريال

مصر اللى كانت ها تبقى
وانتوا التاريخ شغال
يكتب فى اوسخ صفح
بيدمروها العيال
نرجع ندور فى اصله
نلقاه مش ابن حلال
عمره ما غنى لها غنوه
ولا قال لها موال
طب هات لى اخرك يا شاطر
وهيجبوك فى شوال

ارجع لنفسك وفكر
وانا عندى بس سؤال
لما انت بكره ها تكبر
وتضيق عليك الحال
مين اللى فى الدنيا يقدر
يمد ايده بمال
غير امك اللى حارقها
وبنار كمان شغال
لو لحظه واحده تفكر
لازم تتوب فى الحال

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى .مش عاوزها
» عبد الحليم الزلوعى . زفة المولد
» عبد الحليم الزلوعى . ست الحسن