قصيدة (على راحتك )للشاعر محمد عبد العزيز عطا

على راحتك
********
لو إنتى عايزه تهجرينى ؟
طب وماله اهجرى
لو إنتى عايزه تبعدينى؟
زى ماتحبى ابعدى
لو كنتى برضه بتكرهينى؟
دا هو حقك اكرهى
ولو حاولتى تفرحينى ؟
راح اشيلك جوه عينى
ما انتى طول العمر جنبى
عايشه أفراحى وأنينى
كنتى عنوانى ف زمانى
كنتى فرحى والامانى
كنتى فى قلبى التهانى
كنتى حبى الأولانى
كنت بفرد لك جناحى أما اشوفك
كنت حاسس من عيونك
بالخجل وكمان كسوفك
كنت سايب لك براح جوه قلبى
مانتى نوارة عيونى
وانتى وردة جوه روحى
طارحة افراحى وشجونى
وانتى عمرى وانتى قمرى
وانتى كل الدنيا د يا
بس كانت صدمه لىّ
لماهديتى لى حلمى كل أملى
كل عمرى الحلو راح
ليه تبكى لى عنيا
حبى ليكى كان أمل
عمره ماكان معصيه
ولا تسليه
كل كلمة قلتها لك كانت بنرسم
جوه منى أمنيه
ياللى قلبك كان طيابا
وكنت أنامغرم صبابا
ياللى كنتى لى سحابه
وبرج عالى ف السما
ياللى كنتى جوه
قلبى حب غالى والهنا
ياللى كنتى سكتى
ومهجتى ومحبتى
ليه اهون اليوم عليكى؟
والشر يجى من عنيكى
ليه اسيتى؟
مع انى كنت بخاف عليكى
كنت بايع دنيتى لكن شاريكى
لسه برضه انا شاريكى
حبى ليكى لسه عايش منتهاش
رغم قسوه المشاغر هو عاش
ياللى قلبك كان برأة
كنت عاشق دقته
دلوقتى اصبح وبجرأة
فارد لى شوك فى سكته
**********************
@@@ محمد عبد العزيز عطا@@@

هو دة الحب الحقيقى والقلب الصافى الذى لا يحمل الا الحب والخير لكل الدنيا تسلم يا استاذنا ويسلم قلمك الجميل