عبد الحليم الزلوعى . خطيب الجمعة

خطيب الجمعه
براحتك قول يا سيـدنا الشيــخ
على الله تقـــول حاجه جديــده
سنيـن وسنيـن نصلى وراك
ولا بنسمـع حاجـه مفيـــده
وبعـد الخطبه جـى ســؤال
وازمـه وراه جايــه شديــده
وادى المــرادى تســــاْلنـا
هل المسبل تجوز له صـلاه ؟
واحد ساكـت مـا يتكلـم
كـــلامـه كاــه تنهيــده
وضـاق خلقـه وقــام يســاْل
يا اخـويا يعني ايـه مسبـل ؟
يــرد الشيـــخ بتهديــده
جلبابه جــى لكعابــه
وفيها ايه يا سيــدنــا الشيـخ ؟
فيهـا كتيــر يا جاهــل
يردوا اصحابـه تستاهــل
وجو الجلسـه يتكـهـرب
وسيدنا الشيـخ عاوز يهـرب
يرد عليـه بصـوت يرعـب
ما ينفعشـى تصـلى وراه
دا ده جهنـم بتستنـاه
لا سمح الله عـاوز يا بنـى
تكـون فيـها جليــس ويـاه ؟
هناك فى الآخره راح تلقـاه
حبيس القبـر وعذابـه
يرد صاحبنا متعفرت ومضــايق
شبعنا يا ناس كلام ع القـبــر
وميـن ادراك بعذابــه ؟
بتوصف ليه يا سيدنا الشيــخ
مكـان ما دخلـت من بابـه ؟
دا بوابـه يعنــى الموت
يعنـى مفــارق احبابـه
ومش راجع عشان يوصــف
خلى الوصـف لاصحابــه
وسيـرة القبـر ايه جابه
لاشوفنا هناك في يـوم ثعبان
وطول خطبك بتوصف فيه
على راسه على اسنانـه
تقولشى يا عم كنـت شاريه
علي حجمـه وطول ديلـه
يا نـاس مولانا بيربيـه
يا شيـخ كلمـنا لو مره
حور العيـن ها يبقـوا ايه
عن الجنه واوصافهـا
وها تبشرنا قولنا ليـه ؟
وما شوفناك في يوم تضحـك
لو فاكـر تقوللـى عليه
عشان خاطرك خلاص توبــه
اخش مكان اشوفـك فيـه
يا سيدنا الشيـخ يا مقصر
في جلبابــك وافكـارك
من الستات معـاك كام جوز ؟
خدني يا اخويا في رحابك
بتلعب قول في كام مليـون
خمسه ف عيـن حسادك
وع المنبر واحد تانـى
خايف م العين على حسابـك
واحبابــك كلهـم زيـك
ما زيــك زى اصحابك

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . طعم العذاب
» عبد الحليم الزلوعى . المرايا
» عبد الحليم الزلوعى . الصاحب