عبد الحليم الزلوعى . السبوع

السبوع
يا صاحبي يا انســــــان
مظلــــوم في كل مكان
ما اختـــرت ايه دينـــــك
ولا اســــم ولا عنــــوان
مـــا اختـــــرت ايه لونك
وفيـــــه كتيــــر الــــوان
مولـــود وليــــه باكـــى ؟
خايـــف مـــن الحرمـان
خايـــف تفتح عينيـــــك
والصـــــوره ما بتبــــان
وان بانـــــت الصــــوره
تبكي عشان حيـــــران
وانـــت ما تعرف ليـــــه ؟
الكـــل بيــــك فرحـــان
يسأل علـــى اسمـــك
وانــت نايــــم غلبــــان
ويصــــــوروك يــــامــــا
وانـت رافض غضبـــان
حفلــــــه وصــــاحبهــــا
ما بيعـــرف الحاضريـــن
ولا حتـــى كان عــــارف
مين اللي شايلـــه مين ؟
والكل فرحــــان يغنـــي
والمحتفـــل بـه حزيـــن
الكــــل عاوز يبوســــــه
ودموعـــه ع الخـديــــن
نكتــب شهادة ميـــلاده
ولا يعرف اهلــــــه مين
وبتنتهــــــى الحفلـــــه
وكفــــوفــــه مقفوليــن
ما خدش حاجه منهــم
غير دمعه ماليه العين
والام خايفــــــه عليـــه
خايفه عين الحاسدين
وانت اللي مش عارف
انت ها تبقــى ميـــــن
--------------------
في مصر عندما يبلغ المولود اسبوعه الاول تحتفل الاسره احتفال كبير في بيتهم او احد النوادي
بدعوة الاهل والاقارب والاصدقاء لحضور الحفل الذي تقدم فيه الحلوى والمشروبات والماكولات
احتفالا با المولود ويلتف حوله الجميع يغنون اغنبات موجوده خصيصا لهذه المناسبه وصاحب الحفله
والمحتفى به صورته القصيده

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . زفة المولد
» عبد الحليم الزلوعى . ست الحسن
» عبد الحليم الزلوعى . سيف جلاد