عبد الحليم الزلوعى . ترزى

ترزي
الواد ده اهبل وجى يسأل
هما ناسى كارهينى ليه ؟
واقول لنفسي يا واد ما تتقل
ومهما كرهوا ها يعملوا ايه ؟
ما انا اللي ماسك فى اللجام
وامورى ماشيه اخـر تمام
طب خلي واحد يقول كرهنى
وانا با اربى من غير كلام
لاعمري غاوى حاجه م الفنون
وهوايتى هيه املا السجون
من غير لاهيصه ولا يحزنون
منا أصلى ترزى وقماشى ناسى
الكل عارف حب الكراسى
وانا ليا كرسى طول ما انت راسى
يا واد يا مرسى هات الجرايد
شوف اللى ايد شوف اللى عارض
وتعالى يا ابنى نفتح معارض
لانجزاتك ومشروعاتى
والدنبا بمبى كمان وفله
ورحمة امى بشرب فى قله
وكمان بابور وفوقه حله
نقـفـل مصانع كل المحله
وساعتها يا ابنى البركه هله
دى انجازتنا عاوزه مسله
انا عمرى شايل حملى التقيل
استبن كنت وما ليش بديل
يوماتى عاوز واحد قتيل
في بلدنا حاجه ما لهاش مثيل
قالوا لنا نهضه طلعت عليل
رجعوا وقالوا ده كلام هزيل
ان كنا قولنا هاتوا الدليل
وانا م البدايه قولت انى ترزى
وعشيرتى قالت هلل وخيط
ابص الاقى الناس تعيط
الكحكه يعنى فى ايد اليتيم
محسود عليها من اللئيم
ضهرى انكسر من الخياطه
والشعب كله اخر الاطه
اخرتها انام انا ع البلاطه

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . ست الحسن
» عبد الحليم الزلوعى . سيف جلاد
» عبد الحليم الزلوعى . طعم العذاب