عبد الحليم الزلوعى . ياطاهره

ياطاهره
رفيقـة عمـرى يا طاهره
يا نجمه في السما ظاهره
وعارفه الناس وشيفـاها
وانا المحسود وانا معـاها
ماهي النعمه محسـوده
يا ايــد بالحب ممدوده
كتير والسـكه مسـدوده
وتبقى الفرصـه محدوده
وبا ستنى القضا يحكـم
الاقي الرحمه موجـوده
بدعـواتك وصلـواتك
بدمعـاتك في نص الليل
يا وافيه النــدر بتوفى
وصمتيلى في عز الويل
يا شـايله الهـم وتخبى
واكتافك تقــول صابره
سحابة صيف وها تعـدى
باْذن المـولى والقــدره
ويكبر في السـما والله
سحاب صيفك وبا الكتره
يا أكـرم يد في الدنيـا
علي المحتاج وع ضيفك
يا مهمومه ومغمـومه
وشايفه الدنيـا على كيفك
يا اطرى لسان في الدنيـا
با التقوى وذكــر الله
كتير وكتير خـدوه منك
ما زعلتي وقـولتى الاه
يا اكـرم من راْت عينى
يقابل با بتسامته الضيف
يا نسمه وبسمـه تتمايل
ترطب عـز حـر الصيف
يا سهرانه وقلقــانه وبتجامل
يا ضحكه جميلة وتعـــدى
تخلي الجو كله ظـريف
وقرآنك وصلواتك تصحيني
اشوف الجنه بعيـــــونى
واشوف النور على السبحـه
يا اجمل نفس متسامحه
يا صاحيه الفجر ع الفاتحـه
يا بركه ماشية با البركــه
وايد م الفجر فى الحركــه
والاقى همــــومى بالأحمال
و ذنوبى تلال و جبــــال
وماده الايد يا صــالحـه
يبقى انتى والفـــاتحه
يا صابره والعيون صابرين
معـــاكى الحق ايوه امين
يا مظلومه في ناس ظالمين
وشـــايله الآم جوه العين
ثواب عــارف طريقه فين
ثواب هــارب من الخايبين
وفاتوا الام محســــوره
وانتى معاها فى الصــوره
اشوفك رحمه للظــالمين

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . زفة المولد
» عبد الحليم الزلوعى . ست الحسن
» عبد الحليم الزلوعى . سيف جلاد