عبد الحليم الزلوعى . الوجوديه

الوجوديه
دي النهايه يا دنيـا فانيـه
وفي النهايه الكـل واحـد
مش هتاخد حتـى ثانيـه
فوق ما عمرك يبقى واخـد
واللي واخــد برضـه يدى
واحنـا ياما ادينـا ليكـى
فــوق قدرتنــا كنا نعمر
قد ما قـدرنــا نطــور
قد ما سهرنـا فــي ليلـك
قد مـا جرينـا في نهـارك
قد مـا صبـرنـا لهـزارك
والهــزار يعنـى ابتــلاء
ابتــلاء جـى في العيال
جى في صحه جى في مال
واحنـا مـا بنعرف منين
يعني كلـه في الكتـاب
واللي فيــه مكتـوب علينا
يعنـي مكتوب خطوه واحده
عمــرى ما امشي خطوتين
يبقــى ايــه يا دنيا ذنبى ؟
اللـى هتحاسـب عليه
جيت لاقيتك زى ما انتـى
لمـا ها ارحل انتى انتى
يبـقي علي ميـن الحساب ؟
علـى جايـلك غصب عنه
واللي سايبك مـش باْيــده
دا احنـا بنفــذ اوامـر
يعني ما بنقــدر نحيــد
ودا الجديـــد اللـى قالــوه
بعـض الفلاسفـه والعقول
يبقــى ذنبــى هـــوه ذنبك
وانتـى تتحاسبــى عليـه
لــو تصـدق الكــلام ده
اتخلقنــا بعقــل ليـه ؟
والعقـول لازم تفـكر
والنهـارده يبقــى اكتر
مـن اللى كانـوا قبل منـا
من اللى ماتـوا وعمروكى
واحنـا بنكمل فــى رحلـه
وفـى النهايـه فيه حساب
مهمـا كان العلـم جـاب
مـن ايــات ومعجــزات
كله يشهـد يـا ابن ادم
اللي جى ذى اللـى فـات
واحنا من اهـل الكتـاب
نقرا فيه نلقـى الجـواب
ع اللي ضايـع علمـه منـك
ع اللـي بيحيـر في عقلـك
فيه حسيب ماشي في ضلـك
اي حاجـه يــروح كاتبهـا
وانـت راح تقـرا الجـواب
واللى فيـك شاهد عليك
يكون لسانـك او ايديـك
والشيطان نفسه يضلـك
ما هو عاصى عشــان يذلـك
وانـت يا ابني مش حا سبها
رغم علمـك في الحساب
والحقيقـه بسيطه جـدا
الله واخـد الله جـاب
واللــى مـا يعرف طريقه
يبقي يا ابنـى هوه خـاب
يــوم ما يفنى الكون بطوله
تبقــــى جت ساعـــة الحساب
يعني يا ابني الدنيـــــا فانيـه
وفــى النهايـه الكل واحد
كله ها ينام في التـراب
هي جوله مفيـش اعاده
والجمـاد ساعـــة ما ينطق
يبقـى ينطـــق با الشهاده

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . سيف جلاد
» عبد الحليم الزلوعى . طعم العذاب
» عبد الحليم الزلوعى . المرايا