عبد الحليم الزلوعى . الله عيكى يامصر

الله عليكي يا مصر
الله عليكـى يـا مصر
يـا مفتحه ومــدردحـه
ومجـرحه فبكى السنيــن
وأى جرح مـا يمنعـك
مـن الوقـوف ومـن الصمود
مـن الركـوع ويا السجـود
ياموحده فــى فجـر الوجـود
مخلوقــه انتى للخلـود
الله عليكى يوم صليبــك
كـان فى عيدنـا بيترسـم
فــوق القلـوب وبتنقشيـة
لما كان المضطهـد يلجألــك
بتحضـنيـة . وبتستريــة
يـاام المـدايــن فى السمـا
بتــزيد علـى عــدد النجوم
يـاام الفنـون جنــب العلــوم
الله عليكى يـوم خرجتى
تهــللـى . وتطــبلـى
تستقبـلى هدية الاسلام لكى
وتبقـى البيت وتبقـى الغيط
لآل البيــت من الطاهريــن
اللة عليكى باأزهرك ومنبــرك
اللــــــى عمــــــره ما انحنـــى
ولاركـع ابـــدا فــى يــوم
الله عليكى يــامصـر لما
بتمســحى دمعـة يتيــم
يكـبر يلاقـى الحب هالل
ناحيــتـك . ومـحبتـك
تتـربـى فيــه وبتنـاديــه
و تخففى حزن وأنين
عن ضهر منحـوت م السنين
ماهو كان فى يوم اسد العرين
الله عليكى يامصر لمـا تريحيه
وتعلمـيه عشـــق اللى باقى
مـن حياتـه عشـان يشوفك
ماانتى اللى ساكنه جوه فيـــه
تلاقيــه فى اخر الرحلة سامح
وحامـد ربنا وبتـدفنيـه
يـا مطهـرة تـراب السنيـن
لما احتضن سيــدنا الحسيــن
الله عليكـى فى صحوتــك
وفـى غفلتــك مـا بتغفلى
يـا ام الرجال وام الولـى
ياأم القباب ومعمده ومصلبـه
و ممـددة جنب الهـــلال
يــا طاهرة يـا لبن الحلــيب
يـاام الدفـا يا ام الحنـان
يا حاضنـه زينب فـى الميدان

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . زفة المولد
» عبد الحليم الزلوعى . ست الحسن
» عبد الحليم الزلوعى . سيف جلاد