عبد الحليم الزلوعى . الفصل الأخير

الفصل الاخير
مـا خلصـت الـحكـايـه
وهـا تنـزل الــستـار
اخـر فصـول الـروايه
وما عـادش فيـه ادوار
ما هي بداْت المسـرحيه
واحنا يا اخويـا صغـار
مـا عـرفنـا حاجـه فيها
غيـر ضحكـه جنــب هــزار
واحنا مـا نعـرف ياعيني
مشاويـر زمـن غـدار
خلى لنـا الشعـر الاسود
ابيـض مـن ضـي نهار
يـ اللى نفسك يجي بكـره
كنـا زيـك من زمـان
فـي النهايـه عرفـنا حاجه
بكره جى مالـوش اماـن
شافـوا فيها كتير وعاشـوا
والنهـارده صاروا كان
واحنـا فـي اخـر فصولـها
خــدنـا منهـم المكـان
وانــت نفسـك يجـي بكـره
بكـره جى ومالـوش اوان
جـى هيـاخـد كـل حاجه
جـى وراكـب لك حصان
واللى مـش حاسب حسابه
سابهــــا تجري قــول يا ويلـه
فـات حيـاته تروح وتيجي
من البـدايـه شـد حيلـه
يــومه يضحـك ولا يلعـب
يعني صبحه زي ليلـه
عمـره مـا استنى النهايـه
ولا خاف مـن ضيف يجيـله
ضيـف هيـاخـد كـل حاجـه
وفـى النهـايه هـايناديلـه
بكره جالك يـ اللي نـاسـى
كـان في نفـسك يـوم تجيله
سنين رسمـت واحد تانـى
وتـاهـــت غـنـوتـي يـانى
وتنساني ليالي الصحه والقوه
ولسـه الدنيـا فاكـرانـى
وشايفانــى نجـوم الليـل
وانا مسنود على دراعها
وباشكـى ليهـا اوجاعهـا
ويـامـا حلمت اودعهـا
ونـومي اصحـاه انا مكسـور
اشـوف ضلمـه وهـى نــور
ويـوم ما ابــص في مـرايــا
تقول لـى جـه عليـك الـدور

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى .مش عاوزها
» عبد الحليم الزلوعى . زفة المولد
» عبد الحليم الزلوعى . ست الحسن