الشاعر عبد الحليم الزلوعى .الإستقتاء

الإستفتاء
الشاعر عبد الحليم الزلوعى
------------
قوم إتكلم واصرخ
عاوز اسمع صوتك
يا محـيـرنى سكوتك
لسه الفرصه ف ايدك
اوعى الفرصه تفوتك

يعنى المطلوب منك
عند اللجنه تروح
تهتف باسم بلدنا
من اسنا لمطروح
تنقذ أمه بحالها
ووطنا المجروح

مصر أمانه فى ايدك
يا ابنى ربى يزيدك
قـوه وعـزم وروح
لازم يوم الاستفتا
عند اللجنه تروح

وانت يا روح الروح
قول للدستور نعـميـن
أول خطوه يا سيدنا
شوف ها توديـنا لـ فين ؟
على دوله مدنيه

الاسلام أهو دينها
منه تصيغ قوانينها
وبتتكلم عـربى
واحنا كمان عاوزينها
دوله تكون عصريه
وعــداله وحــريه
والأمه المصريه
بالوحده الوطنيه

دستور بلدك عينك
حافظ يا ابنى عليه
لما تروح ع اللجنه
قوللى هاتخسر ايه
ترفع ذل وعار
ودقون خلوها نار
باسم الدين حاربونا
وهمه لدينّا العار

لازم نخلص منهم
واولنا الدستور
يعنى تروح ع اللجنه
ها تشوف مصر النور
وانت واخويا واختى
احنا علينا الدور
هانقول ايوه قويه
ونحيى الدستور

هانروح بالملايين
ما احنا خلاص عارفين
مين الفاسد فينا ؟
وحكم باسم الدين
وحرق مصر بحالها
ولا فعل الملاعيين
وانت يا نور العين
هاتقول للدستور
ايوه كمان نعمين
-----------------

منور يا أستاذ عبد الحليم
إبداعك مميز . شكرا لك

شكرا لك استاذة دينا احمد
لتشريفك لنا بالحضور والتعليق

شكرا لك استاذ الحسينى الشربينى
لتشريفك لنا بالحضور والتعليق

» الشاعر عبد الحليم الزلوعى . يا سوسنه
» الشاعر عبد الحليم الزلوعى . اتكلمى
» الشاعر عبد الحليم الزلوعى . الجحود
» الشاعر عبد الحليم الزلوعى . الحضرة المصرية
» الشاعر عبد الحليم الزلوعى . اتعلمت الكتابة