الشاعر محمود وحيد

واواتى وليه أداريها

ما دامت هى عنوانى

باغربلها وأدٍريهـــــا

واجدد فيها مش "وانى" كسول
********************
وانا واوى ودا توبــــــى

ومن توبى ما باطلعشـــى

وراضى باللى مكتوبى

وغير مكتوبى ما اطمعشى
********************
دا واوك ديه اللى جايبانى

ولا جل هواك باغنيهـــــا

ولو تبعد هاجيك تانـــــى

واغنى الواو ما اخبيهـــا
********************
يا فتحى وواوه مغزولة

بضى الحرف وطهارته

وكل حروفة معـــدوله

ويشهد ع الكلام صورته
********************
وانا واوى واهــــــــــــــلاوى

باجيب بيها كتير إجوال

وعاشق" كوتة"وليه هاوى

وابو تريكة ما سابش البال
********************
ومين فى الشعر كان شاعر

بحور الشعر تواهــــــــه

ومهما اكتب ومش شاعر

باحس انى فى بلاعة
********************
الواو دوا لقــــلوب

بتداوى مجروحنا

فيها الرجا مطلوب

وبسرها بوحنـــــا
********************
الواو دى بذرة خير

بس انت راعيهـــــا

ذى الجناح للطيـــر

ان طار يغنيهــــــــا
********************
• الواو حنين مشتاق

والصدق رايتهــــــــا

فيها الحروف اشواق

شمعة بسكتها
********************
اليأس خيبة أمــــــل

والخيبة مش فينا

طهر الايدين فى العمل

وقليلنا يرضينــــــا
********************
الشيبة شيبة روح

مش شيبة فى شعورنا

ياما شباب مجروح

يتعب وما يطولنـــــــــــا
********************
• الشيبة عقل قديم

رافض مبادئنـــــــا

فرحان بكونه سليم

لكنه مش منــــــا
********************•
الشيبة شيبة عصــــــا

مايلة ومش قادرة

بالخزى عودها اتكسى

فى المحنة مش حاضرة
********************
الشيبة شيبة عود

حابب يعيش ذله

رافض بعزة يجــــود

لو حتى هتدله
********************
اليأس خيبة أمــــــل

والخيبة مش فينا

طهر الايدين فى العمل

وقليلنا يرضينــــــا
********************
إسع وقول يا رب

كل الهموم هتزول

مهما يكون الكرب

بالله ما يوم هيطول
********************
إحنا ولاد الضى

وقلوبنا ريانــــــــة

والنبض فينا حى

والخسة كارهانا
********************
نصبر على الاوجاع

والندل ما نسيبه

وان حرنا يوم جـــاع

ما يمد يوم إيده
********************

كفاية واوات كدة الليلة

وبكرة ان عشنا نتقابل

انا اصلى قليل حيلة

ولما انعس ما اكون قابل
********************
ولسة واوتنا موصولة

بتشدينا معانيها

بطيبة روحنا مغسولة

وكل واوتنا نعنيها
********************
نقول الواو بإحساسنا

تروح ما تروح

نداعب اهلنا وناسنــا

ونبنى صروح
********************
هجانى الخل إمبـــــــــــــــارح

ولا حتى عليه رديت

وقولت ف نفسى انا مسامح

ولحروفه حقيقى نسيت

********************
على قدى باقول حرفى

لكنى بحب مكتوبى

ولو على دربكم باحفى

فانا عاشق كمان توبى
********************
قليل الاصل لو هانــى

فدا عيب فيه ومش فيا

مسيرة بكرة يفهمنى

ويندم على اللى صار بيا

********************
صباحك والصباح بلدى

ومصر حبيبتى تاج راسى

بروحى افديها وبولدى

وحبى ليها نبراســــــــى
********************
صباحك والصباح رحــــــال

وحالف يا مصر راجعين

دوام حالك حبيبتى محال

يا مذكورة ليوم الدين
********************
يا مصر كفاية سكـــــــوتك

وهاتى حقوق اللى ماتوا

عدوك وعشمان فى موتك

وابنك مضحى بحياتـــــــه
********************
يا بلدى سكوتك مهانة

ودم اللى ماتوا ف رقبتك

يا اما تعود الكرامـــــــــة

يا اما هاقولك كرهتك
********************
عريشنا ووادينا بيبكى

وسر بكاهم طيابتك

ودم شهيدك بيشكــى

تهاونك يا بلدى ف كرامتك

_________________
الغدر توب النــــــدالة
والضلمة يهواها اللئام
والضعف خيبة وجهالة
يا ويلنا من رب الانام

رصاص النداله يصيبه
ودمه يغرق وادينا
يفارق قريبه وحبيبه
وروحه فى سمانا تنادينا

فارس وحارس حدودنـــا
وروحه شايلها بكفه
فى لحظة يفارق وجودنا
لجنة الهه نذفـــــه

واواتى وليه أداريها

ما دامت هى عنوانى

باغربلها وأدٍريهـــــا

واجدد فيها مش "وانى" كسول

وانا واوى ودا توبــــــى

ومن توبى ما باطلعشـــى

وراضى باللى مكتوبى

وغير مكتوبى ما اطمعشى

دا واوك ديه اللى جايبانى

ولا جل هواك باغنيهـــــا

ولو تبعد هاجيك تانـــــى

واغنى الواو ما اخبيهـــا

يا فتحى وواوه مغزولة

بضى الحرف وطهارته

وكل حروفة معـــدوله

ويشهد ع الكلام صورته

» قراءة فى نص الشاعر محمود وحيد . بــرد الــقـلــوب
» الشاعر محمود وحيد . موال رباعى بغدادى
» الشاعر ( محمود مرعى )
» الشاعر محمود عطية ( أنا م الناس ال تحت )
» الشاعر/ على محمود محمد جامع