الشاعر ممدوح عرابى

الشاعر ممدوح عرابى
--------------
العلام غير الثقافه
ياما متعلم وجاهل
عند المثقف كياسه
وغيره بعلامه ف مجاهل

ممدوح عرابى

سلام وراجع لكم
بس أوعو تنسونى
والله فيه بحبكم
وفى قلبى وعيونى
--------------
لسا قاعدين من إمبارح
فى فن الواو وأنغامه
ومعاكم انا سارح
فى عشقه وأحلامه
--------------
كتبنا كتير وسطرنا
عن الواو وأنغامه
وفيه قربنا وبعدنا
ما نسينا لحظه أيامه
--------------
يا عم إحكى وإتكلم
وخلى كلامنا فى المليان
طول العمر نتعلم
ومعلمنا هو الزمان
-------------
مجدى باشا ضيفنا
من كرمه سقانا الشاى
عارفينه كريم وعارفنا
وحرفه كما الناى
-----------------
أخونا محمود مآنسنا
ونورة مالى الكون
دايما زاين مجالسنا
بشدة وضمه وسكون
--------------
محمد نعمان الهوى
كل الناس بتريدك
بدونك عمرنا هوى
فى لحظه نروح من أيدك
---------------
مجدى بيه بيتواضع
وبيرضى كل أحبابه
وحرفه كلام رادع
وفى الحق هو صوابه
--------------
يسعد أيامكم تملى
وتنور حروفكم سمانا
بوجدكم تزيد سعادتى
ويزيد فى الود خطانا
----------------
وأنا واواتى حب وشجن ماشيه بتتعايق
وإل يسمعها يدندن طرب
ويكون عاشق رايق
وكلامى حب بأدب ولا عمرى بتعايب
---------------------
أو إل باعك ماتبيعه
....يمكن يندم يوم
وإن ما ندم ما تلومه
...وأوعى تكون مهموم
---------------
والخاين هيجى يوم يندم على أفعاله
وإن ماندم سد له بابك
وتعود عليه أعماله
وما تعذرة يوم لو نام على أعتابك
------------------
نحمد رب الكون
وما لينا سواة
حمانا جوة بطون
وخلقنا نقول الله
-------------
نركع ونسجد له
وكل حاجه تهون
رازقنا من فضله
ما هو خالق الكون
---------------
تصبح بقا على خير
نقوم بقا ننام
قضينا وقت كتير
وكان لقانا تمام
------------------
رؤيه من القرآن
حاجه مهيش أحلام
تصبح بقا فى أمان
ويكون رسولنا إمام
--------------
وإل يقول الله ما يوم يخسر
دايما رايق البال
ووالرزق كتير يكتر
والدنيا خيل وهو راكب خيال
--------------
الواد بقاله أيا مغلبنا
علشان بنحبه
وبتعشقه قلوبنا
كتير مش حبه
-------------------
وياما هدوم بتدارى
وأنا بحكم بالظاهر
ولداخلو ما دارى
وبقول كدة طاهر
---------------
مجدى فرج يا أصيل
لكلامك دايما معانى
وحروفك هى دليل
تنفع حكم ومعانى
---------------
إنسان محمد عطا
دايما يلقى السلام
وكلامه حروف فنان
وان قل فترة الكلام
---------------
مش ناسى طبعا قائدنا
أشوفه أشوف معانى
محمد فتحى حبيبنا
حروفه ندندنها أغانى
---------------
عارف انه بيبص ويتابع
ويوزن معانى الكلام
وإحنا له تابع
بس قول له يلقى السلام
--------------
أيوة كدة إظهر
وما تحجب علينا نورك
ظهورك لنا يعطر
وتشجينا بحروفك
-----------------
ربك كبير ومعانا
ما تركنا للأحزان
هو إل خالقنا
ومحدد الأزمان
--------------
في المنصوره انقطع النور0
0دخلت انا موبايل 0
0حبيت أنتظر لوسطع00
كنت عملت انا عمايل
00 اسمحو لي عن سجالنا انقطع
0لاني للكهربا مش طايل
-----------------
دفبتح مكه بسماحه 0
وكان صاحب معروف0
فهم منهم الاستغاثه0
وأمنهم بعدالخوف
----------------
والناس القمر منهم
وناس مش ناس
البعد أفضل عنهم
دول كما الوسواس
-----------------
المحلسه مش حلوة
لكن الإحترام واجب
ولازم نرحب بكلمه
والعين ما تعلى على الحاجب
-------------------
الوضع بينا إنقلب
وبقا سداح مداح
وإل انكتب انكتب
ولا تبكى على إل راح
-----------------
قالو لكل ظالم يوم
لو كان فى برج حصين
وأبات أنا مظلوم
وربى عليك معين
---------------
يله العشاء جه أوانها
نركع ونسجد ونسبح
ونطلب من الخالق الجنه
ونطلب المغفرة ونمسى ونصبح
-----------------
السياسه أكيد فى الدين
والدين أكيد فى السياسه
هدى من رب العالمين
والدليل فى المدينه الصحيفه
-----------------
وحشنتى نورها من عام
وكنت أبوسها وأناجى
ومعاها ماكنت بنام
دة الكعبه هى مرادى
-----------------
كنت حوليها اطوف
والنبى يجى فى خيالى
وكان مالكنى الخوف
أرجع فاضى الأيادى
-----------------
ياسلام على الواو وأفعاله
حرك حروفكم وأشجانكم
ومنور فى كل أحواله
مش ممكن كدة أسيبكم
-----------------
العلام غير الثقافه
ياما متعلم وجاهل
أما الثقافه كياسه
والتانى بعلامه فى مجاهل
---------------
أذان المغرب على الابواب
نروح بقا نلبى نداة
ونفطر مع الأحباب
مقبول بإذن الله
-----------------
أروح وأرجع يوماتى
ألاقى نجوم كاتبه
أجمل كلام فى حياتى
لما تكون صادقه
----------------
تستناك ولا تستانى مين
الحب الصافى ما يقبل أتنين
لو حد غيرك ولع فيهم الأتنين
بس مايكون شك يكون يقين
-------------------
زمن قلب الحقايق
وما عاد فيه إخلاص
بلاش يا أخ خالد تضايق
إل راح راح وخلاص
---------------------
شوف مين بيظهر فيه
عمر ولا لميس
مش بعتب أنا عليه
لأن ما أعاتب خسيس
------------------
أبو بكر يا أصيل
الجزع فاضى وفرعنا معوج
كل ما نعدله بيميل
وإتعوج وراة فوج ورا فوج
---------------
الضمير هو الأساس
ودة كلام مضمون
يلزما الاحساس
والكل للكرامه يصون
------------------
محمد فتحى يا أصيل بتطل كل حين
تنور حروفنا أكيد
تشجع الصاحى وتصحى النايمين
وكل مرة تجينا بكل قديم وجديد
---------------
يل حروفك دهب
والمعنى زى الماس
كل مادونك ذهب
وأنت شاعر حساس
---------------
وبلاها من خلجات
والكل راح بزمان
وإل خلا مكانه ما حاجه جات
ولو شكينا الزمن سكت وما رد وبا
------------------
أنا إل قلت الآة ماحد سمعنا
ولما جار الزمان
الكل جه وسألنا
لاعاد يفيد السؤال ولا مكان جمعنا
-------------------
كان قدوة وإمام
وللسماحه بان
ودايما يلقى السلام
ودة يوم فتح مكه كمان
----------------
المسامح كريم
والدنيا فانيه ما هيبقى بايع ولا شارى
وسيبك من اللئيم
وأيه تفيد الحكاوى
----------------
دفعت فاتورة 200
والكل للمحولات شايل
أجيب تانى منين
وقال الماكينه بتعمل عمايل
-------------------
احب أقول الله
كلمه بتريحنى
عمرى مايوم ينساة
شيخى ووليدى
--------------
يل صورتك جوة عينى
وقلبى بينبض بإسمك
وأنت تاج على جبينى
وحشنى صوتك ورسمك

يا خاين ما تتعجل أجلك
لك ساعه ومحسوبه
هينكشف فيها عملك
وما تنفع فيها التوبه
-----------------عرابى

علمنا صغارنا الكدب والخداع
ونسينا إن عند الاله فيه حساب
وإتلخبط الحر بين إل إشارى و إل باع
ولا نافع يومها أب ولا أم ولا أحباب
------------------------عرابى

خليك صافى القلب والنيه
وإحفظ إل حبيته وحبك
وما تاخد الخيانه غيه
وخليه نبضك وقلبك
عرابى--------------------

الجزم فى البتارين بتبرق ب500 وألف
والكتب على الرصيف بترابها بجنيه وأتنين ونص
يبصو على البتارين ويتمنوا وما يبطلوا لف
وعلى الكتب مايبص ولو بص يفاصل فى الجنيه والنص
---------------------------------------عرابى

والظلم فى زمانا عدل
والعادل هنا مقهور
ونكرو ع الكريم الفضل
ومدحو الندل فى سطور
---------------------عرابى

هما البشر كدة
طالعين ويوم نازلين
ماقالو يوم رضا
والقناعه تيجى منين
-------------عرابى

وناس فيها طيبه القلب
ونياتها سليمه
عارفه ان فيه رب
هو إل باقى لينا

وناس شغلها النصب
ولا عارفه شئ ف العدل
ناسيه ان فيه رب
ميزانه ميزان العدل

» مربع إهداء من الشاعر محمد فتحى الى الشاعر عطية شواش
» إعدام قلب كلمات الشاعر محمد فتحى السيد قراءة تحليلية الشاعر خالد عز الدين
» إعدام قلب كلمات الشاعر محمد فتحى السيد قراءة تحليلية الشاعر خالد عز الدين
» الشاعر أبو بكر عامر
» الشاعر / عصام قمر