اتعلمت الكتابه

اتعلمت الكتابه
بحروف اسمك حبيبتي
وحلمت بيكي ياما
جوايا من طفولتي
وكنتي م البدايه
اول حرف في حكايتي
اتعلمت الكتابه
بحروف اسمك حبيبتي

صورتك ساكنه فى خيالي
ها اشوفك ازاي وامتى
وكتبت كتير اغاني
علشان تسمعها انت
وحلمت با لاماني
ها نكون مع بعض امتى
اتعلمت الكتابه
بحروف اسمك حبيبتي

دور يا قلبي شوفها
من بين كل الوجوه
اكيد ما انت عارفها
ولاعمرك يوم تتوه
دا حب العمر كله
وعيوني بيوصفوه
اتعلمت الكتابه
بحروف اسمك حبيبتي

الشوق واخدني ليكي
امواجه بتناديني
مدي ايديكي وخديني
على البر بتعرفيني
علشان صورتك حبيبتي
مرسومه فوق جبيني
اتعلمت الكتابه
بحروف اسمك حبيبتي