قصيدة رسمتي للشاعر محمد فرحات

رسمت وردة صغيرة
وخرجت اقول دى رسمتي ..
يا دنيتي
شوفتى الجمال؟
شوفتها ..
شوفت الجمال
رجعت طاير م الفرح
قالوا فرح
مالوا الليلة دى نشيط كده
وحاله عال
كنت بجري ..
دخلت بتنا ..
وقطعت ورقة من كتاب
وف ضهرها
بدأ القلم يرسم حاجات
فاتت ساعات
لاقتنى راسم
راس كبيرة مدورة
وعنين جميلة
وجسم خط
وايد ماسكة ايد
بتحبها
وهناك بعيد
واحد وحيد
واقف بييكى م الالم
ومعاه قلم
وورقة باقيه من كتاب
مرسوم على ضهرها
واحدة كاان هيحبها
راس كبيرة مدورة
وعنين جميلة
وجسم خط
شخابيط كتيرة
فـ قلبه شالها
وراح مشي
قبل ما يقول إنه مات
فضَّل سكات
ياخده فـ طريق
مفهوش عيون
عشان عنيه ..
ناوية تبكي لوحدها
..
من غير كلام