وعـــــــــــد قـــــلـــــب

كلمات : ريم عبده  



وعــــــــــد قلــــــــــــب 





قلبي جمبك عاش براح
كل ليله وفي الصباح
يدعي ربه تبقي جمبه 
في اللى جاي واللى راح
مهما شاف من الدينا قسوه 
مهما شاف من الناس جراح 
ينسي همه جوه حضنك 
ينسي بيك كل اللى راح
حتى لو ظلمته مره 
ومره تانيه جرحت فيه 
ينسي كل اللى قولته اول .. لما ترجع تشتاق اليه 
ايه تقول علي قلب حبك 
مستعد يعيش بقربك 
كل ايامه اللى جايه 
وكل حلم يعيشو ليك
قلبي كان مشتاق اليك 
كل امله يبقي جمبك يبقي عايش بين اديك
تفتكر يقدر يسيبك بعد كل اللى عاشه فيك
عاش معاك حنيه تانيه 
عمره ماشفها في الدنيا ديه 
عمر ما كان في حد جمبه.. وبص جمبه شاف اديك 
ايد بتحضن فيه بحنان عاش ساعتها في الامان 
و النهارده بيوعدك ... انه جمبك مهما كان 
وعد حر ودين عليه 
انه دايما بين اديك 
تقسي تبعد مش هيبعد
وانه دايما يحس بيك 

الله عليكى يا يا شاعرة روووووووووووعة يا ريم بجد شعر غنائى ممتاز وانت تملكين الايقاع الحسى باللحن فى القصيدة وايضا تملكين جرأة التعبير والتنوع فى اختيار الاحرف بعناية وزايضا قفلات جميلة سلسة ومعبرة وكل هذا ينبىء بشاعرة ممتازة فى السنوات القادمة ان شاء الله وتحياتى لكى

محمد نعمان الهوى كتب:

الله عليكى يا  يا شاعرة  روووووووووووعة يا ريم  بجد شعر غنائى ممتاز وانت تملكين الايقاع الحسى باللحن فى القصيدة وايضا تملكين جرأة التعبير والتنوع فى اختيار الاحرف بعناية وزايضا قفلات جميلة سلسة ومعبرة  وكل هذا ينبىء بشاعرة  ممتازة فى السنوات القادمة ان شاء الله  وتحياتى لكى

اشكرك على الكلام الجميل
تحياتى

إحساس جميل فعلا..
وكلمات رائعة..
تحياتى.