نفسى تسأل مره عنى

مسابقة الشعر الغنائى مارس 2013

رابطة شعراء العاميه المصريه


الكاتب / أشرف محمد ابراهيم
محافظة / القاهره



نفسى تسأل مره عنى. زى ما بسأل عليك. نفسى أقرب جنب منك. نفسى أشوف صورتى فى عينيك
نفسى أضمك على صدرى . نفسى أسلم عليك . يا للى إنت جـــوه قلبى . و رغم بعـــــدك ما إتنسيت
رغم بعـــــــدك ما إتنسيت

كل يوم بيزيد حنينى . كل يوم بابعت جــــــــــواب . وأنتظر رد ييجينى . ملاقيش غير العـــــــــــــــــــــذاب

كل ما أفتكر اللى فات من ذكــــــــــريات . والأيام الحلـــوه اللى قضيتها معــــــــــاك . و الليالى اللى بينا
و اللى كان فيها من آهات

قلبى بتزيد دقـــــــــــاته . و الدموع تنزل سيول . وأدعى لحبايبى اللى ماتوا . و اللى راقدين فى القبــور
اللى راقدين فى القبـــور

لو صادفت أنا أى ورقه . وكان مكتوب فيها إسمــه . أوقـــابلنى فى دولابى . حاجه كان يلبسها جسمه
ألاقى أعصـــــــــــــابى تسيب . و جسمى ما يملكشى نفســــه . و ألقى نفسى واخد كتـــــــاب ربى
و قايم و رايحــــــــــــــله

اللى هو جوه قلبى . وعمرى ما فى يوم حنســـــاه . اللى شاغل كل فكرى . و بعيش على ذكـــــــــراه

لو قابلت فى يوم قريب أو صديق. بس ليه علاقه بريحته. أو ييجينى يوم مكالمه . ويبقى فيها ذكر سيرتة
ألاقى أعصـــــــــابى تسيب . و جسمى ما يملكشى نفســــــه . و ألقى نفسى واخد كتـــــــــاب ربى
و قايم و رايحــــــــــــــله

أترحم أنا على حبيبى . وأقرا كلام ربى عليــــــــــــه . و أقعد أحكيله عن حيــاتى . و اللى فيها من ألام
و أنتظر رد مـــا لاقى . يظهر إن حبيبى نـــــــــــــــــــــــــــــــام . يظهر إن حبيبى نــــــــــــــــــــــــــــــــام


و أفتكر أنا فى العهود . اللى قاطعها معــــــاه . إنى ما حعيش بعده يــوم . ما يكونشى قلبى فيه معـاه
و أرويله كل الورود . ودمعى سايل على الخدود . و أودعه وأنا كل فكرى . إمتى تتوفى العهــــــــــــــــود
إمتى تتوفى العهـــــــــــود

أنا مش قادر أتحمل . قسوتك دى يا فـــــــراق . فيه صعوبه إنى أكمــــــل . و حبيبى وحده راقد هنــــاك
إصبرى يا روحى و بكـــــــــــــــره . راح تقابليه فى السمـــــــــــــــــــــــــاء . راح تقابليه فى السمـــــــــاء