قصيدة (نهارنا نادى )

( نهارنا نادى )

#########

الأمل قرّب يا غالــية

شدّى حيلك وانهضى

________________

شقلبى امبارح وعدّى

ولـعـــوازلك ارفــــــضـى

-----------------------

شايف الأفـــــراح قريبة

مــدّى ايدك يا حـــبيبة

خطّى عاللحظة العصيبة

ولــــــغبـارك انفـــــضى

ولــــــغبـارك انفـــــضى

#############

فـــجـرنا شاقـق ونادى

يالا خـــطّـى بالــيمين

-----------------------

علّى صوتك بالامــانى

والاغـــانى الــفرحانين

-----------------------

لمّى كل الصحبة لمّى

ولتــاريخ الامــــة تمّـى

بالامل صــلّى وسـمّى

وامسحى عرق الجبين

وامسحى عرق الجبين

#############

سطّرى الصفحة الجديدة

وعـــــطّـريها بالامـــــان

-------------------------

وابدرى ورد الــــمــحبة

تحصديها فى العـــيدان

-------------------------

واحضنى فاسك وناسك

وارفـعـى بالــعـزّة راسـك

والشباب بالحب ماسك

ايد فى ايد يروى الغيطان

ايد فى ايد يروى الغيطان

##############

شعب واحد ...رب واحـد

مدّى ايدك ما تخــافيش

------------------------

وانزعى خوفـك وعــدّى

شـــعـبنا عــاوز يعــيش

-----------------------

واحضنى الفجر بعنادك

واكــتبى تاريخ ميلادك

واللّى يوم يحبط ولادك

نمحى اسمه من الافيش

نمحى اسمه من الافيش

############

###

شكرا لك على المساهمة القيمة
وإن شاء الله القادم أجمل
لك أرق تحية وباقة من الفل والياسمين

» قصيدة ( نهارنا نادى )
» اغنية ( نهارنا نادى )
» قصيدة : شقى جدار الزمن ( قصيدة فائزة بالمركز الثالث في مسابقة الشاعر على الصافى الكويتية عام 2001
» قصيدة فى حب مصر
» قصيدة (انا مين )