قصيدة ( قطر الغلبانين )

قطر الغلبانين
=======
يا راكن ع المحطة
وواقف من سنين
حلفتك بالأمانة
يا قطر الغلبانين
لتروٍِِّح بالسلامة
بناسنا الطيبين
من يوم ما السكة بانت
وساعة العزّة حانت
ما تقولشى كان وكانت
ربك هوّ المعين
وصّلهٍٍُم بالسلامة
يا قطر الغلبانين
========
اتحرك يا لا واجري
حرك مكنك ودووور
هتقبِّـل أو تبحِّر
غيًّرنالك وابور
يا عم شد حيلك
اطوى زمن الفجور
افتح واسلك طريقك
وخَللى الخير رفيقك
ما يصيبك غير نصيبك
اتمرد ع الانين
وصلهم بالسلامة
يا قطر الغلبانين
=========
اوعاك تستني تانى
وتقول منين ؟ مفيش
كان واقف ع المحطة
اكتر من ميييت شاويش
ما خلاص السكة فاتت
لاجل الغلبان يعيش
ياقطر يا أبو الأمارة
اتحرّك بالحيارى
مفتوحة لك اشارة
وبندعى وقول اّمين
وصلهم بالسلامة
يا قطر الغلبانين
==========
وسّعنالك طريقك
وقفلنا المزلقان
وفتحنا اشارة خضرة
بدامانا ف الميدان
اتحرّك واطوى خوفك
خلاص الفجر بان
ياقطر اسلك وعدّى
اوعاك ف يوم تهدّى
اتحرّك جيب وودّى
كفاية سكوت سنين
وصلهم بالسلامة
يا قطر الغلبانين
===========

ناصر على توفيق
2012

---------------------------

شاعر جامد بجد
شكرا لك على المشاركة

» قصيدة : شقى جدار الزمن ( قصيدة فائزة بالمركز الثالث في مسابقة الشاعر على الصافى الكويتية عام 2001
» قصيدة فى حب مصر
» قصيدة (انا مين )
» قصيدة ( متغربين )
» قصيدة متغربين