قلبي كما المجنون

كل اللي فات كان شيء جوايا متلخبط
وانا كنت تايه ف قلب محروق ومتخبط
فلا حساب للي قلبه كما المنجنون
وفجاه صابه الندم ولاكانش قصده يخون
ومهما فكرك شرد حبك ف جوايا
شيء مستحيل هيهون

حقك تقولي لوع وتقولي بليكه
وتحسي كل الكلام هوس وفبريكا
ربك هو العلام .يعلم خوافينا
عالم بمين عايشين ومين يعيش بينا
هنعيش بايه لويوم القلب خوا فينا

ان كنت عشت ف غلط عادي وشيء موجود
ده ربنا اسمه غفور عنده الغلط مردود
اقسمت بالعالي .. وصلاتي ع الغالي
ان اللي جوايا عشقك وماله حدود
هتصدقي ماشي ..اهو فضل م الرحمن
متصدقيش .حقك لكني مقدرشي لحظه علي الهجران

فانتي كما تحبي وكما قلبك يشوف حالي
لو كنت انا كداب طب سبت نفسي ليه

يجرالي ماجرالي

يابت ده انتي الكلام اتكتب فيكي من وسط كل الناس

عمره ف يوم مااتكتب لحد قبليكي ..
.تتشابه الكلمه ويفرق الاحساس
خلي الحكم قلبك واستفتي بالراحه
حالتي بقت حرجه كما قلب ف جراحه
قلت وكدبت كتير وبقولها ولاخايف
وكلامي كان يطلع حروف علي شفايف
عشقك في قلبي الاصل
وكل العشق من جوايا كان زايف
العشق اصله انواع والعاشقين بالمثل
عاشق يعيش بلاقلب ..عاشق يعيش مجروح
واحد بيعشق جسد والتاني عاشق روح
وعشان كده عادي فكك من اللي اتقال
وكفايه اني اعيش عاشقك علي ده الحال
روحك لروحي دليل ف القلب محفوره
ماانا قلبي مركب ف نيل وانتي شمندوره
خلص الكلام مني ... واليكي كان مني
سامع نداي ربي يشهد عليه مني
والحكم راضي بيه لوحتي كان اني
واحد بلااهداف مستغربه مني

» آه علي قلبي
» يا قلبي توب
» انا قلبي متعلق
» يا ليت قلبي يعلن العصيان
» الشاعرة منال درويش