ايوه انا زعلان .... نص للمسابقه الكبري

رغم اني مش غلطان بقولك واعتذر ..حقك عليا

رغم اني جوايا زعل يكفي بدل الالف ميت الف ميه

ايو انا زعلان

بتصدقيهم ليه ؟ لما يقولولك ان انا سبتك

وبعت الحب مابينا وخلاص مابقيتش انا عاوزك

بتصدقيهم ليه؟

لماقالولك انهم شافوا ف عيوني احلي نظره في ابتسامه

وان بعدك عني اصلا عادي ولاسايب علامه

وانهم شايفين حياتي عايش الدنيا بطبيعتي

مقضي وفتي شويه شغل وحبه مع حبة بنات

وقتلت جوايا حبيبتي

طب هما ماشي معذورين او غدارين اوطيبين شايفين كده

وانتي خلاص ماحساتيش بالكدب جوه الكلمتين من ده وده

طبعا قالولك انهم ياما قالولك ..ان انا منفعش ليكي

وان نشفان الدماغ هو اللي جابلك واللي دلوقتي باليكي

ماكانوش ساعتها كلمتين

ملعون ابوهم كلمتين خلونا.شدينا سوا

زعقت فيكي شويتين وزعلتي مني .. لكننا

متعودين نرجع .....هوا

صدقتي ليه ان ناسيكي يوم انا

طب ماانتي عارفاني قوي من كام سنه

كان واجب انك تخرسيهم عن كلامهم

وتعرفيهم انه بلافايده ملامهم

وان عمري ف لحظه مااقدر ابعدك عن نني عيني

ده انت جوايا انا شيء من سنيني

انتي اصل العشق ليكي ..واستحاله لحد تاني يكون حنيني

اه حاولت ..اه حاولت كتير اشيلك جوه مني زي زكري

بس قلبي كان بيرفض كل مره

وماتزعليش ماانا غصب عني ف لحظه لو شافني الغريب

هايقول ...ناسيكي

اصل عزة نفسنا طبع فيا وطبع فيكي

وانتي عارفه ان ف بلادنا حتي مشاعرنا غريبه

والرجال لوجت تحب بتلاقيها راسمه هيبه

واحنا اصل الهيبه في الحب اللي بيننا

بس مين يسمع ويفهم ..حتي تقاليدنا عجيبه

» مربعات....للمسابقه الكبري
» رباعيات..للمسابقه الكبري
» قصيدة...آه يا بلــــــد...للمسابقه الكبري
» قصيدة..أعذريني..للمسابقه الكبري
» قصيدة...اصحي وفوق...للمسابقه الكبري