يوم القبض

"‏
يوم القبض

** وانا قاعد مخنوق متكدر * ف الشنطه قبضي وبفكر **
**ازاي بس أعيش واتدبر ** وانا قبضي منصاب بجفاف **

** وصداع راسي م الأفكار** كلبش فيها عاملها بازار **
**نفسي أعدي ع الجزار **علشان تفرح زوجتي عفاف **

**تعمل لينا كباب في الحله ** ونجيب لب عشان نتسلي **
**وتزورنا المانجه علي غفله ** ويدفي جتتنا لحاف **

**فُقت بسرعة من الأحلام** قلت أنا قبضي أصلا كام **
**ييجي ف يوم ويقول لي سلام**طول الوقت جيوبي نضاف **

**فجأه ناداني بتاع النور **خلَّى الهم ف راسي يدور **
** وصل بشهر .. كإنه شهور** قمت دعيت أنا ع الكشاف **

**بعد شويه واد شغال ** عند كريم موسي البقال **
**فضح الدنيا علي الأموال ** قلبي ساعتها طب وخاف **

**قام ع الدوشه أيمن جاري ** قاللي بسرعه ناولني ايجاري **
**قلت ف نفسي ياويللي ياناري ** دا لسانه مليان اسفاف **

**بعدها طلعت زوجتي الحلوه ** عارفه الحاله وتقول كسوه**
**ما بقينا في زمان القسوه ** م الغربال الأعمي ما شاف **

**لحياتي أنا هاعمل خطه ** علشان أتخلص م الورطه **
**قمت بسرعه جريت ع الشنطه ** لسه ماليها من الصراف **

** قلت لنفسي .. انا مزنوق ** هادِّي حقوق الناس بالذوق **
**واما لقيت قبضي مسروق ** تهت ف بحر ما لوهشي ضفاف **

** واحد منهم راح متأثر **والتاني ما صدقش وكشر**
**وقعدت احكيلهم متحسر ** ده حرامي من ربه ما خاف**

**يسرق واحد زي ازاي ** وانا من ضنكي باصرخ جاي **
**ده الرايح علي قد الجاي ** مش محتاج وضعي لعراف **

**يسرقني والحظ معاكس ** مش حاسس بيه مش حاسس **
** واتقرصن ع القبطان فارس ** وكسر لي كمان المجداف **

** غِلبوا الديانه وحماري ** وتعبت وتعبت أفكاري **
** لو برضى يسلفني جاري ** حتى أجيب العيش الحاف **

** قلب الناس بقى زي الفحمه ** واتنزعت جوَّاها الرحمه **
**ولا خُضره هتيجي ولا لحمة ** سُبحانه خفيّ الألطاف **
‏"

» يوم القبض !!!!!!