أغنية عارف للمسابقة الكبرى

عارف
---------
عارف
إيه الحاجة اللي بتحييني
وتنسيني
كل جراحي
حبك ليا
لما باشوفه في ليل لياليا
يبقى القمر الطالع يمسح
كل دموع الحزن وبافرح
لما ألقاك بتبص عليا
قلت زمان عمري ما هاحب
أصل زماني كان يجرحني
لما أفكر إني أحب
لكن لما زمانك جاني
وسكن قلبك بين أحضاني
أنا حسيت بمعنى الحب
يمكن يوم مالقاش القلب
اللي ف حضني نام واتهنى
لكن كل ما عيني تغمض
يحلم بيك
يفرح بيك
بس ساعتها راح يتهنى
وانا يا حبيبي لما عشقتك
عمري ما كنت ف يوم أتمنى
إلا حنانك بيغطيني
عمري ما كنت أحلم تعشقني
أو ترميلي ف بحر الحب
طوق أتعلق بيه وياك
بس عشقتك
ليه مش عارف
يمكن قلبي هواك وانا خايف
ولا القلب خلاص مش ملكي
أصله خلاص من يوم ما هواك
مابقاش يسمع كلمة أقولها
بقى يستنى
لما تجيله تقوله بحبك
وانا باستنى
لما تجيني تقولي باحبك

» قصيدة باشتاقلك للمسابقة الكبرى
» رباعيات مواويل اكتوبر للمسابقة الكبرى
» موال / هشام الجوهرى / للمسابقة الكبرى
» نص الشاعر عثمان الخضيرى للمسابقة الكبرى
» عبد الباسط السرسى . قامت قيامتى . للمسابقة الكبرى