قصيدة باشتاقلك للمسابقة الكبرى

باشتاقلك
------
بحبك
ولو كانت ما بينا بلاد
هاعديها وأرجعلك
وتلقيني على بابك
باقول يا حبيبتي أنا جيتلك
دا أنا مشتاق لإحساسك
يا نسمة تجيني تحييني
وعود ياسمين على صدري
أجيب من زهر بستاني
عقود الورد والريحان
واعلقها على صدرك
أشوف في عنيكي أيامي
واعيش في إديكي أحلامي
وأشتاقلك
يا حب الدنيا والآخرة
أنا ليكي في أحلامك
وفي الدنيا أنا ملكك
تصحيني بأمل حبك
تمسيني بحنان قلبك
ولما أجوع تعشيني
بكلام الحب ترويني
واعود ليكي كما الفارس
ونتوانس
ما بين النجمة والقمرة
وتدّاري في جمال عينك
عيون الحور يا قمراية
يا أول حب أنا عيشته
وآخر حب يسكني
أعيش ليكي في أحلامي
وباتمني
أكون ليكي
يرجعني حنين الشوق
أبوس خدك
تعاتبيني
أبوس إيدك
تلوميني
ولما الشوق بيغلبني
أبوس صورتك
دا قلبي حافرها في جداره
ومنقوشة على صدري
وفوق رمشي
أنا يا حبيبتي باشتاقلك
وأنا جنبك
ومحتاجلك
تعيشي معايا أيامي
تكون روحنا ف جسد واحد
ونتوحد ونتاحد
يا بسمة باعيشها في عيونك
أنا في الحب مجنونك
ولو طالت ما بينا سنين
هنتقابل بنظرة عين
وصورتك عمرها تفضل
على قلبي وفوق رمشي
يا كلمة حب بالمسها
ولا غابت ولا تمشي
يا ساكنة ف قلب تكويني
أنا عاشقك ومشتاقلك

» أغنية عارف للمسابقة الكبرى
» موال / هشام الجوهرى / للمسابقة الكبرى
» رباعيات مواويل اكتوبر للمسابقة الكبرى
» نص الشاعر عثمان الخضيرى للمسابقة الكبرى
» مواويل رباعية لهشام الجوهرى للمسابقة الكبرى