قصيدة "تحية العلم " للمشاركه فى المسابقه الكبرى

تحية العلم

"بلادى بلادى بلادى
لكى حبى وفؤادى
مصر يا أم البلاد
أنتى غايتى والمراد
وعلى كل العباد
كم لنيلك من أيادى "
.........
....
بس ايد نيلك ....طويله
كانت .......تقيله
لما رحنا
روحنا طلعت
قولنا نسمع
قولنا تسمع
بس سمعت
اننا مش نص فيها
مين يشترينى ويشتريها
نفسى أكتب فيكى يا بلدى بحبك
بس قلبك
ليه ناسينى
ليه رامينى
ليه فايتنى
اركب القطر المقبّل ؟
نفسى ارجع تانى ي امه وفيكى اقبّل ....
وجنتيكى
" من أنا
هذا طفلٌ قد رحل يرجوا يديكى
أماه يا عشقٌ يسير مع دمى
كل يومٍ حين أبدأُ تبدأين مع فمى
تصبحين على دموعى وتستريحى
كيف يا عمرى لعمرى تستبيحى "
واستبحتى ليه شقايا
ومن عمايا
قومت أجرى فى الغيطان
كل حاجه فيكى باينه
الاّ قلبك
ليه م بان
فاكره يا سمره الليالى
فاكره تصاويرك
ووقفت الشباك قبالى
وامّا خدتك مرّه وطلعنا السطوح
وامّا قولت ب احب فيكى كل حاجه
قولتى روح
كنتى مكسوفه ساعتها
ومن ساعتها
مشوفتكيش
خدت خلقاتى وشباكك معايا
ورحت اموووت مش رحت أعيش
ااااااااااااه ي دراويش الليالى يا مدّاحين
" كيف يا عمرى لعمرى ترحلين
وأنتى فى قصرٍ مشيد
كُلُه أبواقٌ وأحراسٌ وأجراسٌ ..وحديد"
......
تحيا جمهورية مصر العربيه
تحيا جمهورية مصر العربيه
تحيا جمهورية مصر العربيه
شئ طبيعى
شئ طبيعى اننا ي ابنى نموت
وتحيا هي
شئ طبيعى انى اموت علشان بلادى
شئ طبيعى انى اعيش علشان بلادى
بس لما تموت ي ولدى ب إيد بلادك
وامّا ييجوا فيوم ولادك
يسألوك سبب الرحيل
" كل شئٍ يا حبيبتى هنا يميل
هنا
يُباع العمرُ فى سوق النخاسه "
ومش كياسه
إننا نكدب نقول غنك قمر
بس انتى يا بلدى قمر
على قد ما حبيت هواكى
على قد م انتى غلطانالى
لسه شباكك معايا
بس حاجتى
لسه برضك شايلهالى ..!
انتى بس اللى بكيت علشان بحبك
انتى بس اللى وهبت العمر ليكى
كل م اجى ابيع ي خاله
ب القى نفسى ب اشتريكى
واللى فيكى
اللى فيكى مش شارينى
مش شايفنى حتى لمّا ب امُر مره
الحياه يا خاله مُره
" كم أبينا أن نعيش بلا لقاء
كل يومٍ تغربين من الصباح الى المساء
وحين أسألكى بلادى يا بلادى
تُنكرين
وتبدأيننى بالجفاء"
وافضل ادق على الليالى النعسانين
إصحى يا بلدى
إصحى يا بلدى
من غيرى ي امه يشبهك
متقولى مييين
متشكرين
وادى السلام
من بره برّايه
وقلم رصاص
وسبوره وأستيكه وناس
وعلم وطابور
وشنطه شايل فيها نيلك والهرم والفطور
وتخته ضمتنا 3 فى حضنها
ونشيد بلادى يابلادى ياللا بينا نلمها
نرجع صحاب
لسنا بلا عمرٍ نسير
أن ينسى وطنى موطنى فيهِ
شئٌ عسير
م تردى جاوبينى
قوليلى الحل أيه ؟
عمرى م حلمت انى اعيش من غير وطن أو ابقى بيه
بس انتى حلمك
كان كابوس
لمّيتى كل الناس ي سمره
إلاّ أنا
وانا .....
انا المهووس
لشه عشمان انّى اجيلك
وفوق نجيلك
ارسم علم من غير كلام
وارسم طابور ومدرسين وارسم سلام
وارسم صحابى
وارسم اذاعتنا وموسيقى النشيد
يا هل ترى بكره هنرجع
ولا عيدنا يا بلد هيجر عيد
وتفرحى لوحدك هناك
وانا هنا أفضل

وحيد