النص الغنائى : قريب م القلب ...

قريب م القلب وعنيا،
‏ قريب م الروح ‏
وساكن في حواشيا ،
قصور وصروح ‏
ودايب في نهار ليلي،
‏ تواسى جروح ‏
قساوتك في الهوى مرة،
‏ كطير بينوح ‏
وانا منك قصيدة عشق،
‏ تتغنى كطير مدبوح ‏
يناجي حضنك الدافى ‏
يا روح الروح .‏

بتنهيدة وتشريده ،
ونجمة ف السما بعيدة ‏
تسافر جوة شريانى،
‏ تعيش الحلم والتانى ‏
وتسبح في تجاويفي،
‏ ومركب عشقنا وحيدة ‏
وانا منك قصيدة عشق،
‏ منسيه في احزانى ..‏

تنادينى تلاقينى ، ‏
و وقت الشدة بتجينى ‏
اكون حضنك واعيش همك
تكون لي كل أوطانى ،
‏ ترجع باللقى زمانى ‏
‏ ونبضى ف لحظة بيضمك ،
‏ ويتمناك يكون سترك ‏
‏ يمسح م الجبين دمعك ، ‏
تهدهد نبض وجدانى، أكون أمك ‏
أنسى القسوة في عيونك
‏ وأرويك نبضى وحنانى ‏
واشيل عنك ..‏
هموم الليل وطول الويل ‏
واعيش دارك ودوارك
واكونلك نيل ..‏
يسقيك شهد من روحه ،
لو عاش عمره كله ، ‏
‏ قلبه عليل ...‏