اغنية حلفتك

يا اللى مسافر قبل ما أسلم
حلفتك تبعت وتسلم
وترد على كل جواب
وتخلى قلبك يتكلم
يا اللى مسافر قبل ما أسلم

أحلفلك بعيونى السود
وبروحى وقلبى الموعود
لأبعتلك من شوقى ورود

تحكيلك عن كل أحوالى
وتقولك ايه اللى جرالى
من بعدك ياحبيبى ياغالى

احلفلك عمرى ما هنساك
لو روحت بعيد قلبى معاك
دا انا قلبى حبك وهواك

حلفتك تبعت م الغربة
ماتخليش القلب فى غربة
كفايه هتسيبنى لوحدى
حيرانه فى ليالى الغربة

حلفتك تبعت مراسيلك
عما تبعت لى واجيلك
اوع تفكر انى هسيبك
من غيرى هيقيد قناديلك

دا انت حبيبى وقلبى وعينى
انت القمر اللى بتهدينى
حبك ساكن جوة عيونى
والنظرة منك تكفينى

ياللى مسافر خلبك فاكر
قلبى وحبى واوع تهاجر
اوع فى يوم انك تنسانا
او فى الغربة علينا تتكابر
يا اللى مسافر