من مواويل عبدالهادى الشعراوى

[size=2[center]4]موال خماسى

غنيت كتير للحبايب واليوم أنا جيت
ومعايا غنوة جديدة كتبتها فى البيت
الحب فيها نغم به أنا غنيت
واليوم يا اهل الهوى ليكم انا جيت
نسهر سوا ع النغم ونسمع جميع البيت

موال سداسى

من يوم عرفت الجمال وانا تايه فى لياليه
اسأل نجوم الليالى عليه وازاى الاقيه
لفيت فى كل البلاد أصرخ وانادى عليه
سألت عنه الصحاب فى كل شق وتيه
ردوا على وقالوا انت بتسأل ليه
قلتلهم عاشق بحبه ومش عارف اراضيه

موال رباعى

يا عم ياعمنا إرحمنى م اللى أنا فيه
قلمى بإيدى انكسر والحبر جف فيه
والخوف بقلبى سكن ع الثورة م أعرف ليه
ما هى فوضة الاعلام هكتب انا بقى ليه

[/size]

» رباعيات مواويل الثورة للشاعر عبدالهادى الشعراوى
» دا حلم للشاعر عبدالهادى الشعراوى
» الشاعر عبدالهادى الشعراوى
» قلت لنفسى للشاعر عبدالهادى الشعراوى
» تمثلية للشاعر عبدالهادى الشعراوى