أغنية ... تصدق؟

تصدق ؟
انا اتعودت على بعدك
و من بعدك حياتي براح
تصدق ؟
داويت بالهجر الامي
و ايامي بقت افراح

تصدق ولا ما تصدقش
خلاص يا حبيبي ما تفرقش
انا حقدر على فراقك
و قلبي هيبقى ملكي انا
و مش هبكي على اللي فات
خلاص حبك في قلبي مات
انساني زي ما نسيتك
و اتعود على بعدي انا

سنين و انا قلبي مش فاهم
عايش واهم
مسلم ليك
شايف دنيته بعينيك
اتاري الغدر متداري
و لا داري
بانك يوم
تسقية بالقساوة هموم
و تكسر فرحتة بايديك

تصدق ولا ما تصدقش
خلاص يا حبيبي ما تفرقش
انا حقدر على فراقك
و قلبي هيبقى ملكي انا
و مش هبكي على اللي فات
خلاص حبك في قلبي مات
انساني زي ما نسيتك
و اتعود على بعدي انا
............................
محمد السيد

» أغنية بنتعاهد
» أغنية (يا بهية)
» أغنية (العصفورة)
» أغنية الوداع
» أغنية (((إسمعيني ))