اسألى عنى/نص المشاركه فى المسابقه الكبرى للشاعر/عبدالتواب محمد

انا أكتر واحد دايب فيكى

وانتى عنيده العند ماليكى

اسألى عنى كل شوارعك

اسألى نيلك واسألى زرعك

اسألى مين ف الحب أخترعك

اسألى عالم

اسألى شاعر

اسألى عاطل على قهاويكى

اسألى يمكن مره تحسى

إنك قلبى وروحى وحسى

اسألى نفسك نبضك جسى

داسوا ملوكك على جواريكى

اسألى عنى ميدان تحريرك

اسألى ليه بنموت ف سبيلك

اسألى مين هيجاوبك غيرك

واسمعى صوتك من حواريكى

وأما الرد يجيكى تعالى

لمليون واحد حالهم حالى

وإن كان موتنا هو حياتك

هنموت لجل الموت يحييكى

.......

........

انا اكتر واحد دايب فيكى/عبدالتواب محمد مجاهد

[b]
الشاعر الجميل
عبد التواب محمد مجاهد
شكرا لك على مشاركتك الراقية
ونتمنى لك التوفيق والتألق المستمر فى سماء الابداع
.[b]

جميل احساسك الرائع تقبل تحياتى بالتوفيق