ليه مسلمتش عليه ؟ هشام الجوهرى للمسابقة الكبرى

ليه ماسلمتش عليه؟
و طفيت نارى ف ايديه؟
ورميت نفسى ف عنيه؟
كان يعنى هيجرى أيه؟
كنت هدوب أنا كلى فيه؟
مانا دايب من يومى فيه
وعمرى كله فى ايديه
وحلمى كله ف عينيه
وحياتى عايشها بيه
كان حالى هيصعب عليه؟
واشوف الدمعه ف عينيه؟
ما انا دايما باصعب عليه
وف عزهمى باشتاق إليه
وليلى ونهارى بحن ليه
كان يعنى هيجرى أيه؟
كانت ايدى هتلمس ايديه
ماهوه ده اللى نفسى فيه
أنا ليه ماسلمتش عليه؟
عشان ميبصوش عليه
لما يحضن قلبى بايديه
ميعرفوش ده يبقى ايه؟
دا ظلم وحرام عليه
اللى يقتل قلبه بايديه
****