اغنية حبيتك

[b][center]حبيتك من غير قوانين
واتعلمت لغات العين
ورسمتك جوه صفحاتى
وكتبت عنك دواويين
حبيتك من غير قوانين

حبيتك عنوان لبلادى
وجعلتك كل اعيادى
ياساكنه روحى وفؤادى
محروسه والله من العين
حبيتك من غير قوانين

انا عارف انك شيفانى
بعيون الحب وعشقانى
يكفينى حبك عنوانى
فى دنيا كل العاشقين
حبيتك من غير قوانين

من غيرك انت يابهيه
علمنى معنى الحنيه
ومعايا غنى الاغنيه
وخالفنا كل القوانين
حبيتك من غير قوانين

ياحبيبه انا بكره هعود
واللحن معايا على العود
اهديلك من شوقى ورود
واسمع كل الحاضرين
حبيتك من غير قوانين

بكفايه اتغربت كتير
عن حضنك ابو قلب كبير
فى الغربه انا عشت اسير
مشتاق القلب والعين
حبيتك من غير قوانين

انا راجع ومعايا احلامى
احملها فى قلبى ووجدانى
مشتاق تضمك احضانى
يا اغلى من ضى العين
حبيتك من غير قوانين

» أيوا أنا حبيتك للشاعر محمد عبد العزيز عطا
» تحيا مصر اغنية
» اغنية ( صدقينى )
» اغنية ( مين يوصفلى )
» اغنية حلفتك