بيت النمل للمشاركه في المسابقه احمد الصارم

يابيت النمل
****
يا بيت النمل يا محير عقول وياك
في شق الحيط بتدارا ولا شايفاك
عيون جاهله بكل غباوه بتهدك
وشايفينك ضعيف وانت اسد جواك
وفوق طاقتك شايل والله مقام وزنين
تقع وتقوم وبتعافر ويا مسكين
ولا شفتك بتتخانق علي مناصب
ولا طمعان تاخد حتي كده قرشين
في عز الحر بتنقط عرق شغال
ماقولتش اه ولا اشمعنا انا شغال
ونقطه ميه تاخد روحك و يا ولداه
وتكتب قصه معناها جواب لسؤال
بتقرصني وانا قاعد وهوب تموت
وانا فاكرك بتأذيني ومش مبسوط
واتاري القرصه توبيخه ع حالي
وامته تغيروا والله من السفروت
بنيت بيتك بفن كبير وبالتخطيط
عملت مخازن الغله وللفتافيت
ولا سمعنا بيوت وقعت ع راسك
ولا غشيت ف المونه وف العواميد
وناس تضحك عليك والله بكام نكته
ولو فهموك اكيد هيموتوا بالساكته
وبنداري ع خباتنا بصوت عالي
ياريت والله بتمني نكون نمله
وعجبي
احمد الصارم

.
.[b]
.