جايز يكون لساه بطل . منال درويش . القاهرة

الشعب ده !!

جايز يكون لساه بطل ..

رغم المحن والهم

شايل على اكتافه الامانى

بس مين يهتم ؟!

أجمل ما فيه كلمة أمل

غنىِ ودوق يا حلم

لما ابتدى يحكي ،

دابت حروفه،

فِ العروق والدم

والنهر زعرد عمل ،

صحصح عديم الفهم

غنيت انا غنوتى ،

ونسيت ليالى الظلم

اما الجديد فيها :

انه ح يفضل بطل

زارع لبكرة النهار

بدر في قصيدته اكتمل

حالف لا ياخد تار

كل اللي قلبه اتهمل

وداق ضنى ومرار

ونعيش ما نعرف ملل

ولا خوف يلف مدار

يسرقنا من بكرة ،

ولا يحط ستار

ابنوا وزيدوا العمل ،

وغنوا يا ثوار

شقوا الطريق بالامل،

وهدموا الاسوار ،

داووا القلوب بالصفا

وازرعوه نوار

لأنه لساه بطل ،

حالف لاياخد تار

ويغنى يا ارضنا ،

مش ح ازرعك صبار!!

ح ابدر قصايدى غنى

يطرح فرح ونهار

ويحضنك يا سماء

فتمطري أنهار

تجري في عروقنا بشوق

وتلوينها خضار

_______________

[b]

شكرا لك على المساهمة الراقية
ودى وتقديرى

» فى عيد الحب . منال درويش . القاهرة
» طريقنا طويل .. منال درويش . القاهرة
» اعلام الفسدة المأجورة . منال درويش . القاهرة
» الشاعرة منال درويش
» فِ بحر الحب . شعر منال درويش