قومي يا مصر . ناصر على

قومي يا مصر
=========

يا مصر بادعيلك
عاشق سمار نيلك
هينجلي ليلك
وتفتح الأزهار
****
فجرك أهو باين
ابتسمي يا مداين
ملعون أبوالخاين
اللى تركها دمار
****
الميه من فضة
صبيلى اتوضى
دا الفجر لو عدى
مش هنلاقي له نهار
****
عيدي الغنا عيدي
عيدك دا يوم عيدي
انتشري فـ وريدي
يا ام الشباب ثوار
****
ساعة ميلاد فجرك
روحى احضنى نهرك
ومهما هاج بحرك
او عاكسك التيار
****
لمى الولاد لمى
وكبري وسمي
بر الامان ضمي
وعدى عـ الاعصار
****
يا سمره يا عفية
يا طرحة وكوفية
طول الزمان هية
منقوشة عـ الاحجار
****
مهما الولاد ضلوا
دا حلم هاوصل له
صلوا معاي صلوا
عـ المصطفى المختار
============
من ديوان ( حلم الغلابة )

تحياتى للشاعر المتميز ناصر على وامنياتى بمزيد من التوفيق والتألق

شكرا لك على المساهمة الراقية
ودى وتقديرى

» رباعيات ناصر على
» الكرامه .... ناصر
» من رباعيات ناصر على
» من رباعيات ناصر على
» من مربعات ناصر على