إنذار قلم شاعر

[b][center][color=white][كنت فى ندوة ليلة إمبارح
قلم الحق معايا إتصالح
بعد سنين بعد وحرمان
عن بستان الأدب الصالح

ثورة وقامت فوق أوراقى
صحّت كل حروف أحبارى
غنى قلمى معاها وقام
يحضن كل سطور أشعارى

فجأه وسط السطر لقيت
دم وحرق وتكسير بيت
فتنة وضرب بالنبابيت
بكّت قلمى كتب كام بيت

ليه عايزنها تبقى خراب
ليه عايزنا نعيش أغراب
وإحنا ولاد عم وأصحاب
مصر وطنا ولينا محراب

ليه بالدم نغطى ديارنا
ليه بإيدينا نبّكى عيالنا
ليه ياولاد النيل الطيب
نرضى بفتنة وقسمة ما بينّا

كل العالم طمعان فينا
عايز نيلنا وخير أراضينا
عايز يزرع فتنة ما بينا
علشان يحتلنا بإيدينا

ليه نسمعهم ليه نطاوعهم
ليه بإيدينا نلبس توبهم
احنا تاريخ وحضارة أزلية
عارفين سياستهم وطمعهم

صحصحوا قبل ما نبقى عبيد
لعيون غرب عايزه تبيد
كل وحدة صف مابينا
علشان عصبه يهود عرابيد

الفتنة زرعوها فى بيتنا
فاكرنا هنرضى بقسمتنا
إصحولهم ياولاد النيل
بالوحدة هنرسم سكتنا

ونعلم أمريكا والغرب
وحدتنا فى سلام أو حرب
والفتنة مهما شعلوها
وحدتنا ما يهمها ضرب

دى كنانة والرب حاميها
بجوامع وكنايس فيها
بتكبر وترتل دايما
للواحد الحارس ليها/color]