أغنية بنتعاهد

بنتعاهد
-----
أنا وانت بنتعاهد
نكون قلبين
خلقهم ربنا الواحد
يدقوا بنبضهم واحد
جسد واحد
ونتعاهد
ولو طالت ما بينا ايام
ما نتفارق
ما نتباعد
دا انا قلبي
يضخ الدم في عروقك
يشيل الهم عن عينك
وقلبك لما يندهني
تلاقي عيونا تتواعد
على اللقيا بلا موعد
ولا واعد
يا عشق الروح نهار قايد
وليل سهران
بلا باعد
أنا منك قريب القلب والوارد
وانا حبك في ليل السهد والساهد
يا فجر يجيني واتاخد
أنا نجمك في ليل التوهة
والراشد
يا شمس تنور الدنيا
ما فيها ليل
يخش القلب
يتربع أبد آبد
بحبك
مش كلام زايد
ولا أوهام بتتعاند
دا حبك فجر صحاني
من الحزن اللي كان رابض
على قلبي ف ظلام هامد
يا حب الدنيا والآخرة
أنا وانت بنتعاهد
نكون قلبين
سكنهم في جسد واحد
نكون جسدين
يكون ليهم فؤاد واحد

شكرا لمشاركتك بهذا العمل الراقى
أغنية بنتعاهد 99124

» أغنية الوداع
» أغنية (((إسمعيني ))
» أغنية ... تصدق؟
» أغنية (يا بهية)
» أغنية (العصفورة)