رباعيات الشاعر / هشام الجوهرى للمشاركة فى مسابقة الرباعيات

(1)
يا مدرسة يامعلمانا كل حاجة كويسة
يا مخرجة علم وأدب مش بس طب وهندسة
يا محببانا فى التواضع ومنسيانا حتى كلمة مريسة
فيكى إيد بتكتب وإيد بتزرع وإيد بتمسك مكنسة
*****
(2)
تمانين مليون صوت وصوت
مسألة وطن حياة أو موت
وقفوا وقالوا ميحكمناش طاغوت
يا نعيش كرام يا نموت
(3)
قافل القزاز والشيش
حتى الستاير سود
تبكى الدموع فى الضلمة
مش لاقية ليها خدود
(4)
فيه ناس ناقصها نظر محتاجة نضارة
وناس عشان تشوف يلزمها قطارة
وناس عديمة النظر محسوبة بخسارة
وجودها زى العدم بلا دم وحرارة

[/center]

شكرا لك نجمنا الجديد( الشاعر هشام الجوهرى)
لمشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور
[b]

شاعرنا الجميل هشام الجوهرى
مقاطعك جميلة ولكنها لاتنتمى الى الرباعيات
انما هى تصنف مواويل رباعية بغدادية
لأن المقطع مكون من اربع شطرات متحدة القافية
ولكن الرباعية تختلف قليلا
فهى مكونة من اربع شطرات متحدة القافية ماعدا الشطر الثالث يكون مخلفا
فنأسف لعدم تقييم مشاركتك هذه ضمن مسابقة الرباعيات
فشكرا لك والله الموفق

» من رباعيات الشاعر هشام الجوهرى
» عود قصب / للمشاركة فى المسابقة بقلم هشام الجوهرى
» رغيف الزمن / للمشاركة فى المسابقة / هشام الجوهرى
» من أول السطر / هشام الجوهرى للمشاركة فى المسابقة الكبرى أكتوبر 2012
» هشام الجوهرى